By Asbarez | Saturday, 15 July 2017
ՍՏԵՓԱՆԱԿԵՐՏ - <<Արցախփրէս>>ը կը հաղորդէ, թէ Ստեփանակերտի ԹՈՒՄՕ ստեղծարար ճարտարագիտութիւններու կեդրոնին մէջ մեկնարկած է ֆիլմերու յատուկ աշխատարան մը, զոր կը վարէ արցախցի բեմադրիչ Ջիւան Աւետիսեան:
Երեք շաբթուան ընթացքին բեմադրիչը ուսանողներու հետ պիտի պատրաստէ երեք ֆիլմ: Առաջին շաբթուան ընթացքին ուսանողները ծանօթացան շարժապատկերի եւ համադրութեան (montage) հիմքերուն, ընտրեցին ֆիլմի դերակատարները եւ կազմեցին բեմագրութեան ծրագիր: Երկրորդ շաբաթուան ընթացքին սկսան ֆիլմերու հիմնական նկարահանումները:
<<Երեխաները աւելի լաւ պատրաստուած էին նկարահանման քան ես կը պատկերացնէի: Ես կը սպասէի դասընթացքի լաւ ընթանալուն, բայց սպասելիքներս աւելին էին. թէ՛ այն խումբը, որ կը կատարէ հիմնական նկարահանումները, եւ թէ, ընդհանրապէս, ամբողջ դասընթացքի մասնակիցները կը տիրապետեն իրենց աշխատանքին>>, յայտնեց Ջիւան Աւետիսեան՝ շեշտելով յատկապէս գործող խումբի արագընթաց աշխատիլը:
Ան ընդգծեց նաեւ, որ առաջին ֆիլմին հերոսը Ստեփանակերտի մէջ գործող <<Նռենի>> խանութի հիմնադիր Արմոնտ Թահմազեանն է: Ան Արցախ տեղափոխուած է Իրանի Իսլամական Հանրապետութենէն: Իր խօսքին մէջ, վերջինս, յայտնեց, որ ինք պարտական է իր ընտանեկան դաստիարակութեան. անոնք իր մէջ սէր յառաջացուցած են դէպի հայրենքը, յատկապէս հայրենիքի մէջ ապրելու եւ զայն շէնցնելու գաղափարը: Արմոնտ կը կարծէ, որ Արցախի մէջ գործելու լայն ասպարէզ կայ:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին