Միայն ժողովրդավարական Թուրքիան կրնայ ճանչնալ Հայոց Ցեղասպանութիւնը. Կարօ Փայլանի ելոյթը՝ Երեւանի մէջ

By Asbarez | Wednesday, 20 September 2017

0920garo

ԵՐԵՒԱՆ - Առանց Ցեղասպանութիւնը ճանչնալու՝ Թուրքիան երբեք ժողովրդավարական պետութիւն չի կրնար դառնալ, ո՛չ ալ քրտական հարցը կրնայ լուծում ստանալ: Այս մասին, ըստ <<Նիուզ>>ի, 19 Սեպտեմբերին, Հայաստան-Սփիւռք համահայկական 6րդ համաժողովի ծիրին մէջ կազմակերպուած <<Հայոց Ցեղասպանութեան ճանաչում, ցեղասպանութիւններու կանխարգիլում, քաղաքական եւ իրաւական գործընթացները>> նիւթով քննարկման ընթացքին ըսաւ Թուրքիոյ Հանրապետութեան խորհրդարանի հայ պատգամաւոր Կարօ Փայլան:

<<Ցեղասպանութեան ճանաչման համար պէտք է ունենանք առաւե՛լ լայն տեսլական. միա՛յն ժողովրդավարական Թուրքիան կրնայ ճանչնալ Ցեղասպանութիւնը, միա՛յն ժողովրդավարական Թուրքիան կրնայ  բանալ սահմանները Հայաստանի հետ, հակառակ պարագային մենք ստիպուած պիտի ըլլանք սպասելու ե՛ւս տասնեակ տարիներ: Թուրքիան ներկայիս դարձեալ կ՛ապրի մութ ժամանակաշրջան: 102 տարի առաջ տեղի ունեցաւ մեծ ոճիր, եւ անիկա կը  շարունակուի այսօր, քանի որ ամէն ոճիր, որ անպատիժ կը մնայ, կ՛առաջացնէ նոր ոճիրի: Ես պիտի շարունակեմ պայքարիլ Ցեղասպանութեան ճանաչման համար>>, ըսաւ հայ պատգամաւորը:

Ըստ Կարօ Փայլանի՝ Թուրքիան այսօր կը հեռանայ ժողովրդավարութենէն, յետընթաց կ՛ապրի նաեւ Եւրոպական Միութեան հետ յարաբերութիւններուն գծով: Թուրքիոյ նոր սահմանադրութեան ընդունումը նոյնպէս կը նշանակէ հեռացում ժողովրդավարութենէն։

<<Ես այս մասին խօսած եմ խորհրդարանին մէջ, ըսած եմ, որ մեծ սխալ տեղի ունեցած է: 20րդ դարու սկիզբը տեղի ունեցաւ Հայոց Ցեղասպանութիւնը, ես խորհրդարանին մէջ ըսած եմ, եթէ երկրին մէջ ընդունուի նոր սահմանադրութիւն, նոյն աղէտը պիտի ունենանք, այսօր այդ ճանապարհին ենք: Թուրքիան 100 տարի ետք ալ կը շարունակէ ոճիր գործել>>, յայտնեց Փայլան:

 

comments

More headlines

Յայտարարութիւն

«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը

Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը

Երեւան-Պաքու Լարուածութիւնը Մագլցում Կ՛արձանագրէ

Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին

Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը

Ըստ Հայաստանի Արտաքին Գործոց Նախարարութեան. Ազրպէյճանը Անթաքոյց Կերպով Կը Ծրագրէ Հաւաքական Պատիժի Ենթարկել Լեռնային Ղարաբաղի Ամբողջ Ժողովուրդը

Արցախի Նախագահը Անվտանգութեան Խորհուրդի Նիստի Հրաւիրեց. Քննարկուեցան Առեւանգուած Քաղաքացիները Վերադարձնելու Քայլերը

Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ

Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին

Advertisement