By Asbarez | Wednesday, 14 February 2018
ԵՐԵՒԱՆ - Երեւանի աւագանիի Երեքշաբթի օրուան նիստին որոշում կայացուեցաւ Երեւան քաղաքի Արամի ու Նալպանտեան փողոցի հատուածին վրայ տեղադրել Արամ Մանուկեանի յուշարձանը:
Ըստ <<ՓանԱրմինիըն>>ի՝ հարցին վերաբերեալ ելոյթ ունեցաւ <<Ելք>> խմբակցութեան անդամ Արայիկ Յարութիւնեան՝ յորդորելով վերակառուցել Արամ Մանուկեանի տունը: <<Գացէք, տեսէք՝ Արամ Մանուկեանի տունը ինչ վիճակի մէջ է, մենք մեր մեծերու յուշարձանը չենք պահեր, բայց պաթոսով (փքալից-Խմբ.) նոր յուշարձան կը բանանք, վերակառուցեցէք Արամ Մանուկեանի տունը, կ՛ըսէք մեր Առաջին հանրապետութեան վարչապետն է, բայց առաջին հանրապետութիւնը քանդողներու փողոցները ձգեցիք, Միկոյեանի ու Կասեանի փողոցները կը շարունակեն մնալ>>, ըսաւ Արայիկ Յարութիւնեան:
Տարօն Մարգարեան, արձագանգելով սոյն նիւթին՝ ըսաւ, որ Արամ Մանուկեանի տունը քաղաքապետարանի լիազօրութիւններուն մէջ չի մտներ: <<Տունը սեփականութիւն է ու քաղաքապետարանը այդտեղ լիազօրութիւն չունի, եթէ մենք նման լիազօրութիւն ունենայինք, համոզուած եղէք, որ կը վերակառուցէինք>>, յայտնեց Տարօն Մարգարեան:
Արայիկ Յարութիւնեան նաեւ յայտարարեց, որ <<Ելք>> խմբակցութիւնը դէմ պիտի քուէարկէ նախագիծին:
Յիշեցնենք, որ Երեւանի քաղաքապետարանը 2017ին որոշում կայացուցած էր՝ Հայաստանի առաջին Հանրապետութեան 100ամեակին առիթով, Հանրապետութեան հրապարակին մօտ՝ Արամի եւ Նալպանտեան փողոցներու խաչմերուկին վրայ տեղադրել առաջին Հանրապետութեան հիմնադիր, հայ ազգային-ազատագրական պայքարի մասնակից, պետական, հասարակական գործիչ Արամ Մանուկեանի յուշարձան-կոթողը:
Նշենք, որ Արամ Մանուկեանի արձանի նախագիծին՝ համացանցի վրայ յայտնուած տարբերակը քննադատութիւներու առիթ դարձած է: Որոշ քննադատներ կը պնդեն, որ արձանին համար յարմար տեղ ընտրուած չէ, ոմանք ալ վստահ են, որ արձանին տեսքը չ՛արտացոլեր Արամ Մանուկեանի կերպարը:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին