Ռուս-Վրացական Համաձայնութիւն՝ Հայաստանի Առեւտուրի Ցամաքային Միջանցքներու Շուրջ

By Asbarez | Wednesday, 06 February 2019

0205rus gerg

ՄՈՍԿՈՒԱ.- Մոսկուա եւ Թիֆլիս աւարտեցին Հայաստանի համար կենսական նշանակութիւն ունեցող առեւտուրի այլընտրանքային ճամբաներ գոյացնելու վերաբերեալ քննարկումները:

Ռուսական «Քոմերսանթ» թերթը՝ վկայակոչելով Ռուսիոյ կառավարական աղբիւրներ, կը հաղորդէ, թէ երկու կողմերը վերջնականացուցին մաքսային վարչարարութեան եւ ապրանքներու հսկողութեան վերաբերող պայմանագիրը։

Համաձայնագիրը իրաւունք կու տայ օգտագործելու Աբխազիոյ եւ Հարաւային Օսեթիոյ տարածքները՝ առեւտուրի եւ տարանցումի համար:

Ըստ «Քոմերսանթ»ի՝ Հայաստան շահագրգռուած է համաձայնագիրի շուտափոյթ իրականացումով, որովհետեւ Հայաստան կարեւոր կը նկատէ յատկապէս Հարաւային Օսեթիոյ վրայով տարանցում կատարելը՝ իբրեւ այլընտրանք Լարս անցքին, որ ձմեռները յաճախ կը փակուի սաստիկ ցուրտ պայմաններուն պատճառով:

comments

Advertisement