Հայաստանի Ազգային Անվտանգութեան Խորհուրդը Արցախի Մէջ Արտահերթ Նիստ Պիտի Գումարէ

By Asbarez | Wednesday, 13 March 2019

0312pako-nigol1

Արցախի Հանրապետութեան նախագահ Բակօ Սահակեան իր տիկնոջ՝ Անահիտ Սահակեանի հետ 11 Մարտին, Ստեփանակերտի օդակայանին մէջ դիմաւորեց աշխատանքային այցելութեամբ Արցախ ժամանած Հայաստանի վարչապետ Նիկոլ Փաշինեանը եւ անոր կինը՝ Աննա Յակոբեանը:

Հայաստանի վարչապետի մամլոյ ծառայութիւնը կը տեղեկացնէ, որ 12 Մարտին, Ստեփանակերտի մէջ տեղի պիտի ունենայ Հայաստանի Հանրապետութեան Անվտանգութեան խորհուրդի նիստը:

Ատեփանակերտ ժամանած վար-չապետ Փաշինեան առանձին հանդիպում ունեցաւ Արցախի նախագահին հետ:

Հանդիպման ընթացքին քննարկուեցան հայկական երկու հանրապետութիւններուն համագործակցութեան վերաբերող բազմաթիւ հարցեր:

Այնուհետեւ հանդիպումը շարունակուեցաւ ընդլայնուած կազմով՝ Հայաստանի եւ Արցախի անվտանգութեան խորհուրդներու քարտուղարներուն եւ արտաքին գործոց նախարարներուն մասնակցութեամբ: Անդրադարձ կատարուեցաւ անվտանգութեան եւ արտաքին քաղաքականութեան վերաբերող զանազան հարցերու: Երկուստեք ընդգծուեցաւ Հայաստան-Արցախ սերտ փոխգործակցութեան ապահովման եւ ընդլայնման, նախատեսուած ռազմավարական ծրագիրները ժամանակին եւ պատշաճ կերպով իրականացնելու կարեւորութիւնը:

comments

Advertisement