Ստեփանակերտի մէջ կայացաւ պլակըրներու միջազգային համաժողովը

By Asbarez | Tuesday, 21 March 2017


0321bloggers

ՍՏԵՓԱՆԱԿԵՐՏ, <<Արցախփրէս>>-<<Արցախակերտում>> հասարակական կազմակերպութեան եւ Արցախի լրագրողներու միութեան նախաձեռնութեամբ՝ Երկուշաբթի, 20 Մարտին, Ստեփանակերտի մէջ տեղի ունեցաւ պլակըրներու միջազգային համաժողովը, որուն մասնակցեցան շուրջ 30 պլակըրներ՝ աշխարհի 11 երկիրներէ:

Նշենք, որ շարք մը յայտնի պլոկըրներ եւ լրագրողներ աշխարհի տարբեր երկիրներէ մեկնեցան Արցախի Հանրապետութիւն՝ իբրեւ բողոքի նշան Ատրպէյճանի քաղաքականութեան դէմ: Անոնք կը բողոքեն Մինսկի կողմէ Պաքուին յանձնուած Ալեքսանտր Լափշինի ձերբակալութեան դէմ:

Ըստ <<Արցախփրէս>>ի՝ Ֆորումի  գլխաւոր թեմաներն են՝ հակամարտութիւններու ներկայացումը ընկերային միտիայի եւ պլակըրներու ու լրագրողներու ազատութիւններու ապահովումը:

Համաժողովը կը վարէր <<Արցախակերտում>> կազմակերպութեան համանախագահ Արտակ Բեգլարեան եւ միտիա փորձագէտ Սամուէլ Մարտիրոսեան:

<<Աշխարհ>> ռազմավարական հետազօտութիւններու կեդրոնի (Ստեփանակերտ) տնօրէն, ռազմական եւ ազգային անվտանգութեան խնդիրներու փորձագէտ Հրաչեայ Արզումանեան ֆորումին ներկայացուց արցախեան հակամարտութեան յառաջացման պատճառները:

<<Փորձառութիւնը ցոյց տուած է, որ աշխարհաքաղաքական ուժերը, եթէ չեն ուզեր զբաղիլ խնդիրով մը, ապա ուրեմն պլակըրները՝ որպէս նոր ձեւաւորուող հանրային տեղեկատուութեան իրականութիւն, կրնան ազդել իրավիճակին վրայ>>, նշած է Հ. Արզումանեան:

0321bloggers1

Համաժողովին, Արցախի Հանրապետութեան տնտեսութեան նախարարի տեղակալ Սերկէյ Շահվերդեան ներկայացուցած է Արցախի զբօսաշրջութեան վիճակը:

<<Արցախի Հանրապետութեան զբօսաշրջութիւն ըսելով, կը հասկնանք տարեկան շուրջ 15 հազար զբօսաշրջիկ, 43 հիւրանոցային տնտեսութիւն, 7 զբօսաշրջութեան ընկերութիւններ, զբօսավարներ: Արցախի Հանրապետութիւն կ՛այցելեն զբօսաշրջիկներ Ռուսիայէն, Միացեալ Նահանգներէն, Իրանէն եւ եւրոպական երկիրներէ>>, ըսած է Ս. Շահվերդեան:

Ֆուրումին մասնակիցները հանդէս եկած են հարցումներով, որոնք  հիմնականօրէն կը վերաբերէին հակամարտութեան եւ Արցախի ճանաչման։ Անոնք խօսած են իրենց տպաւորութիւններուն մասին:

Ֆորումի աւարտին մասնակիցները հանդէս եկած են յայտարարութեամբ:

 


 


comments

More headlines

Յայտարարութիւն

«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը

Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը

Երեւան-Պաքու Լարուածութիւնը Մագլցում Կ՛արձանագրէ

Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին

Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը

Ըստ Հայաստանի Արտաքին Գործոց Նախարարութեան. Ազրպէյճանը Անթաքոյց Կերպով Կը Ծրագրէ Հաւաքական Պատիժի Ենթարկել Լեռնային Ղարաբաղի Ամբողջ Ժողովուրդը

Արցախի Նախագահը Անվտանգութեան Խորհուրդի Նիստի Հրաւիրեց. Քննարկուեցան Առեւանգուած Քաղաքացիները Վերադարձնելու Քայլերը

Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ

Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին

Advertisement