By Aztag Daily | Monday, 23 October 2017
2 օր առաջ նոյնպէս գրասենեակին նախաձեռնութեամբ, նոյնանման բարեկամութեան խումբ մը, բաղկացած 11 հոլանտախօս քաղաքագէտներէ եւ քաղաքացիական անձնաւորութիւններէ, հիմնուած էր ֆլամանտական խորհրդարանին մէջ:
Երկու արարողութիւններուն ներկայ էին Արցախի Հանրապետութեան նախագահ Բ. Սահակեանի գլխաւորած պատուիրակութիւնը, ՀՅԴ Եւրոպայի Հայ դատի գրասենեակի եւրոպական հարցերու պատասխանատու Հեղինէ Էվինեան եւ Եւրոպայի Հայ դատի յանձնախումբի նախագահ Գասպար Կարապետեան:
Կարապետեան անդրադառնալով այս մեծ յաջողութեան ըսաւ. «Շնորհակալութիւն կ՛ուզեմ յայտնել բոլոր ֆրանսախօս եւ հոլանտախօս պելճիքացի քաղաքական գործիչներուն, որոնք Արցախի Հանրապետութեան հետ ստորագրեցին համագործակցութեան այս հռչակագիրները: Այս երկու բարեկամութեան խումբերու ստեղծումը կը վկայէ պելճիքական ամբողջ քաղաքական դասի ցանկութիւնը Արցախի հետ դիւանագիտական յարաբերութիւններու ամրապնդման, ինչպէս նաեւ մասնակից դառնալու Արցախի ժողովուրդին ազրպէյճանական մեկուսացումէն դուրս հանելու հոլովոյթին:
«Ֆրանսայէն ետք, ուր նոյնանման բարեկամութեան խումբ մը գոյութիւն ունի 2013-էն սկսեալ, Արցախի ժողովուրդի ձայնը այլեւս աւելի բարձր լսելի պիտի դառնայ նաեւ Պելճիքայի մէջ: Կը շնորհաւորեմ նախագահ Սահակեանն ու Արցախի իշխանութիւնները եւ վստահ եմ, որ այս հռչակագիրը շուտով կը թարգմանուի գործնական եւ արդիւնաւէտ աշխատանքներու` զանազան բնագաւառներու մէջ: ՀՅԴ Եւրոպայի Հայ դատի գրասենեակը պիտի աջակցի բարեկամութեան այս խումբերուն` անոնց աշխատանքները յաջողութեան հասցնելու համար»:
ՀՅԴ ԵՒՐՈՊԱՅԻ ՀԱՅ ԴԱՏԻ ԳՐԱՍԵՆԵԱԿcomments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին