By Asbarez | Friday, 01 December 2017
ԵՐԵՒԱՆ, <<Արմէնփրէս>> - Հայաստանի փոխադրամիջոցներու, կապի եւ տեղեկատուական արհեստագիտութեանց նախարար Վահան Մարտիրոսեան Հինգշաբթի, 30 Նոյեմբերին, իր գրասենեակին մէջ ընդունած է չինական China constuction շինարարական կազմակերպութեան ներկայացուցիչները՝ գլխաւոր կառավարիչի տեղակալ Վէյ Եանի գլխաւորութեամբ:
Ողջունելով հիւրերը, նախարարը ներկայացուցած է Հայաստանի մէջ պետութիւն- մասնաւոր հատուած համագործակցութեամբ նախատեսուող ճանապարհաշինական ծրագիրները, ինչպէս նաեւ Հիւսիս-հարաւ ճանապարհային միջանցքի ներդրումային ծրագիրը:
Վահան Մարտիրոսեան ընդգծած է, որ ցանկալի կը գտնէ, որ այս եւ այլ ծրագիրներու իրականացման գծով չինական կազմակերպութեան հետ համագործակցութեան հնարաւորութիւններ գտնուին:
Վէյ Եան, շնորհակալութիւն յայտնելով ընդունելութեան համար՝ ներկայացուցած է իրենց կազմակերպութեան գործունէութիւնը: Ան նշած է, որ China construction-ը կը հանդիսանայ Չինաստանի պետական շինարարական ընկերութիւնը, եւ որ այդ ընկերութիւնը կը նկատուի աշխարհի ամէնէն մեծ շինարարական կազմակերպութիւնը: Ընկերութիւնը կը զբաղի շինարարական եւ նախագծային գործունէութեամբ, աշխատանքներ կը կատարուին բոլոր աշխարհամասերուն վրայ:
Առաջին անգամ ըլլալով Երեւան այցելող այս ընկերութիւնը Հայաստանի մէջ շինարարական գործունէութիւն ծաւալելու մեծ հնարաւորութիւններ կը տեսնէ:
Վահան Մարտիրոսեան նշած է, որ պետութիւնը պատրաստակամ է համագործակցութեան, եւ նման հեղինակաւոր կազմակերպութիւն ունի բոլոր հնարաւորութիւնները՝ մասնակցելու յառաջիկային յայտարարուող ճանապարհաշինական մրցոյթներուն:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին