By Asbarez | Saturday, 02 December 2017
Հայաստանի արտաքին գործոց նախարար Էդուարդ Նալբանդեան 1 Դեկտեմբերին ընդունեց Հարաւային Կովկասի եւ Վրաստանի մօտ ճգնաժամի հարցերու Եւրոպական Միութեան յատուկ ներկայացուցիչ Թոյվօ Քլաարը:
Նախարար Նալբանդեան շնորհաւորեց Թոյվօ Քլաարը՝ իր նոր պաշտօնը ստանձնելուն առիթով եւ յաջողութիւն մաղթեց անոր, յոյս յայտնելով, որ ԵՄ նորանշանակ յատուկ ներկայացուցիչը իր լիազօրութեան ծիրին մէջ, պիտի նպաստէ գոյութիւն ունեցող հիմնահարցերու կարգաւորման:
Հանդիպման ընթացքին քննարկուեցան Հայաստան-Եւրոմիութիւն յարաբերութիւններուն առնչուող հարցեր, կարեւոր նկատուեցաւ Համապարփակ եւ ընդլայնուած գործընկերութեան համաձայնագիրի ստորագրումը՝ շեշտելով, որ անիկա իրաւական ամուր հիմք է Հայաստանի եւ Եւրոպական Միութեան միջեւ համագործակցութեան առաւել ամրապնդման եւ խորացման համար:
Էդուարդ Նալբանդեան իր զրուցակիցին ներկայացուց Արցախի հիմնահարցի բացառապէս խաղաղ կարգաւորման վերաբերեալ Հայաստանի մօտեցումները, ինչպէս նաեւ այդ ուղղութեամբ Հայաստանի եւ ԵԱՀԿ Մինսկի խումբի համանախագահ երկիրներու համատեղ ջանքերը:
Թոյվօ Քլաար յայտնեց, որ մեծ պատասխանատուութեամբ կը մօտենայ իր առաքելութեան եւ վերահաստատեց Եւրոպական Միութեան աջակցութիւնը ԵԱՀԿ Մինսկի խումբի համանախագահներու ջանքերուն եւ մօտեցումներուն՝ ուղղուած Արցախի հիմնահարցի բացառապէս խաղաղ կարգաւորման:
Զրուցակիցները միտքեր փոխանակեցին տարածաշրջանային եւ միջազգային հրատապ հարցերու շուրջ:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին