Էսթոնիան եղաւ առաջինը` Հայաստան – Եւրոպական միութիւն համաձայնագիրը վաւերացնող

By Aztag Daily | Sunday, 14 January 2018



Էսթոնիան վաւերացուցած է Հայաստանի ու Եւրոպական Միութեան միջեւ ստորագրուած Համապարփակ եւ ընդլայնուած գործընկերութեան համաձայնագիրը` այդպիսով դառնալով Եւրոպական Միութեան 28 անդամ պետութիւններէն առաջինը, որ իր համաձայնութիւնը տուած է փաստաթուղթին:

<<Ազատութիւն>> ձայնասփիւռի կայանին այս տեղեկութիւնը փոխանցած են Հայաստանի արտաքին գործոց նախարարութեան մամուլի, տեղեկատուութեան եւ հասարակութեան հետ կապի վարչութենէն` մանրամասնելով, որ մայրաքաղաք Թալլինէն ստացուած է համապատասխան պաշտօնական գրութիւն, ըստ որուն, Էսթոնիան աւարտած է Հայաստանի ու Եւրոպական Միութեան միջեւ ստորագրուած Համապարփակ եւ ընդլայնուած գործընկերութեան համաձայնագիրի` ուժի մէջ մտնելու համար անհրաժեշտ բոլոր ընթացակարգերը:

Ազգային ժողովի Արտաքին յարաբերութիւններու մնայուն յանձնախումբի նախագահ Արմէն Աշոտեան օրեր առաջ <<Ազատութեան>> յայտնած էր, որ Հայաստանի խորհրդարանը, ամենայն հաւանականութեամբ, մինչեւ մարտի վերջը պիտի վաւերացնէ Եւրոպական Միութեան հետ ստորագրած Համապարփակ եւ ընդլայնուած գործընկերութեան համաձայնագիրը:

comments

More headlines

Յայտարարութիւն

«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը

Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը

Երեւան-Պաքու Լարուածութիւնը Մագլցում Կ՛արձանագրէ

Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին

Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը

Ըստ Հայաստանի Արտաքին Գործոց Նախարարութեան. Ազրպէյճանը Անթաքոյց Կերպով Կը Ծրագրէ Հաւաքական Պատիժի Ենթարկել Լեռնային Ղարաբաղի Ամբողջ Ժողովուրդը

Արցախի Նախագահը Անվտանգութեան Խորհուրդի Նիստի Հրաւիրեց. Քննարկուեցան Առեւանգուած Քաղաքացիները Վերադարձնելու Քայլերը

Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ

Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին

Advertisement