By Asbarez | Tuesday, 06 February 2018
Սուրիոյ խորհրդարանի հայ պատգամաւոր Նորա Արիսեան կարեւոր քայլ կը համարէ սուրիական հարցով Սոչիի մէջ կայացած ժողովը, որուն ան մասնակցեցաւ իբրեւ Սուրիա-Հայաստան Խորհրդարանական բարեկամանական խումբի նախագահ:
«Իմ կարծիքով՝ Սոչիի ժողովը շատ կարեւոր էր, որովհետեւ անիկա տեղի ունեցաւ այն պահուն, երբ Սուրիոյ մէջ ահաբեկչութեան դէմ յաղթանակներ արձանագրուեցանն: Սոչիի ժողովը փաստեց, որ Սուրիոյ մէջ քաղաքական գործընթացը կը սկսի ու կը շարունակուի սուրիական ղեկավարութեամբ՝ առանց արտաքին միջամտութիւններու», ըստ «Արմէնփրէս»ի՝ յայտնեց հայ պատգամաւորը:
Ան նաեւ տեղեկացուց, որ ինք մաս կը կազմէ ժողովին իբրեւ արդիւնք ձեւաւորուած «Սահմանադրութիւնը քննարկող յանձնաժողով»ին, որ բաղկացած է 150 անդամներէ:
«Ժողովի աւարտին հրապարակուած յայտարարութիւնը ինքնին կը բացայայտէ, որ սուրիացիները մեծամասնութեամբ կառչած են ազգային սկզբունքներուն եւ Սուրիոյ ինքնիշխանութեան ու տարածքային ամբողջականութեան», յայտնեց Նորա Արիսեան:
comments
Արցախի Հանրապետութեան Ազգային Ժողովի Նախագահի Կոչը
Հայկական Կարմիր Խաչ Կ՛ահազանգեց, Որ Ատրպէյճանի Կարմիր Մահիկը Կը Խախտէ Շարժման Սկզբունքները
Կոչ Աւստրալիահայ գաղութին՝ բոլորս Արցախի կողքին
Ահաւոր Արկած Երեւան-Գիւմրի Ճամբուն Վրայ. Զոհուած Է 11 Հոգի
Էրտողան. «Զանգեզուրի Միջանցքի Անյապաղ Բացումը Կարեւոր Է Կարգաւորման Համար»
