By Asbarez | Wednesday, 21 February 2018
ՈՒԱՇԻՆԿԹԸՆ, <<Ամերիկայի Ձայն>> - Մարտի սկիզբը նախատեսուած է Հայաստանի Ազգային ժողովի պատգամաւորներու այցելութիւնը Միացեալ Նահանգներ:
Ամերիկայի Հայ Դատի յանձնախումբի Ուաշինկթընի գրասենեակէն Եղիսաբէթ Չուլճեան կը յայտնէ, որ հայ օրէնսդիրներու այցելութիւնը լաւ հնարաւորութիւն կ՛ընձեռէ ԱՄՆի մայրաքաղաքի քաղաքական գործիչներուն եւ փորձագէտներուն՝ ծանօթանալու Հայաստանի դիրքորոշման:
Չուլճեան կը յայտնէ, որ Քոնկրեսի շէնքին մէջ Հայաստանի պատուիրակներուն ի պատիւ յատուկ ընդունելութիւն կազմակերպուած է:
<<Անցեալ տարուան Սեպտեմբերին ամերիկեան քոնկրեսականներու խումբ մը այցելեց Հայաստան, անոնց մէկ մասը նաեւ Արցախ: Այդ ժամանակ գաղափար ծնաւ, որ այս հանդիպումները շարունակական ըլլան եւ որ նաեւ Հայաստանի ԱԺ ներկայացուցիչները Ամերիկա գան՝ հայ-ամերիկեան բարեկամական կապերը աւելի ջերմացնելու ամերիկեան քոնկրեսականներու հետ>>:
Ուաշինկթընի մէջ հայ պատգամաւորներու հանդիպումներուն ընթացքին պիտի քննարկուին հայ-ամերիկեան քաղաքական եւ տնտեսական յարաբերութիւններու բարելաւման ու խորացման կարելիութիւնները:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
