By Asbarez | Friday, 23 February 2018
ՍՏԵՓԱՆԱԿԵՐՏ - 22 Փետրուարին, Արցախի Պաշտպանութեան բանակի (ՊԲ) հիւսիսարեւելեան դիրքերուն վրայ հակառակորդին կողմէ արձակուած կրակոցէն զոհուած է ՊԲ զինծառայող, 1998ի ծնունդ Գրիգոր Կարապետի Եղոյեանը:
Արցախի Հանրապետութեան պաշտպանութեան նախարարութիւնը կը կիսէ կորստեան ծանր վիշտը եւ իր զօրակցութիւնը կը յայտնէ մահացած զինծառայողի ընտանիքի անդամներուն, հարազատներուն եւ ծառայակիցներուն:
Արցախի նախագահ Բակօ Սահակեան Փետրուար 22ին ստորագրեց հրամանագիր մը՝ Արցախի Հանրապետութեան պետական սահմանը պաշտպանելու ընթացքին ցուցաբերած արիութեան համար ԱՀ պաշտպանութեան բանակի N զօրամասի զինծառայող Գրիգոր Եղոյեանը յետ մահու պարգեւատրելով «Մարտական ծառայութիւն» շքանշանով:
Գրիգոր Եղոյեան Շիրակի մարզի Ախուրեան գիւղէն էր: Ախուրեանի համայնքապետ Արծրուն Իգիթեան «Հրապարակ»ի թղթակիցին յայտնած է, որ Գրիգորի ծնողները Ռուսիա կը գտնուին, ուր մեկնած են աշխատելու, իսկ ինք առաւել քան մէկ տարիէ ի վեր կը ծառայէր բանակին մէջ:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին