By Asbarez | Wednesday, 11 April 2018
Հայաստանի Հանրապետութեան 4րդ նախագահ Արմէն Սարգսեան ռուսական <<Թասս>> գործակալութեան տուաւ հարցազրոյց մը, որուն ընթացքին յայտարարեց, որ չափազանց կարեւոր եւ առանցքային կը նկատէ Ռուսիոյ դերը Արցախի հակամարտութեան լուծման գործընթացին մէջ:
Ըստ անոր՝ 23 տարի առաջ Արցախի մէջ եռակողմանի զինադադարը ձեռք բերուած է Ռուսիոյ միջնորդութեան շնորհիւ:
<<Հարցին խաղաղ լուծում փնտռելուն մէջ բարձր կը գնահատենք այդ միջնորդական ջանքերը: Ակնյայտ է, որ հարցին լուծման համար անհրաժեշտ է խաղաղութեան եւ համաձայնութեան գալու քաղաքական կամք: Հայաստանը խաղաղութիւն ձեռք բերելու համար ի գործ կը դնէ կարելի ամէն բան եւ կ՛ակնկալէ, որ ատրպէյճանական կողմը նոյն ձեւով վարուի>>, ըսաւ Հայաստանի Հանրապետութեան նախագահը:
Արմէն Սարգսեան յայտնեց նաեւ շուտով Մոսկուա այցելելու իր ծրագիրին մասին՝ աւելցնելով, որ յստակ ժամկէտներ տակաւին չկան:
Սարգսեան ըսաւ, որ, որպէս Հայաստանի Հանրապետութեան նախագահ, էական կը համարէ հայ-ռուսական ռազմավարական դաշնակցութեան հետագայ զարգացումը, երկու ժողովուրդներու բարեկամութեան ամրապնդումը եւ մարդկային շփումներու զարգացումը:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
