By Asbarez | Thursday, 12 April 2018
ԵՐԵՒԱՆ, <<Երկիր>> - Չորեքշաբթի, 11 Ապրիլին, Ազգային ժողովին մէջ լրագրողներու հետ զրոյցի մը ընթացքին, բնապահպանութեան նախարարի ժամանակաւոր պաշտօնակատար Արծուիկ Մինասեան, անդրադառնալով իր յետագայ պաշտօնավարման հարցին՝ յայտնեց, որ քանի մը օրէն վերջնականապէս կը յստականայ իր եւ իր կուսակից նախարարներու հարցը:
<<Չեմ կարծում, որ առնուազն մեր մասով (ՀՅԴ խմբ.) կարող է փոփոխութիւն լինել, մանաւանդ որ կոալիցիոն համաձայնագրով եւ նախատեսուած ծրագրով ունենք բաւական մեծ անելիքներ>>, ըսաւ Մինասեան:
Անդրադառնալով Սերժ Սարգսեանի վարչապետութեան հարցին, Մինասեան յայտնեց, որ իր կարծիքով՝ որեւէ երկրի մէջ յաղթած ուժի առաջնորդը կը ստանձնէ պատասխանատուութիւնը:
Տարածքային կառավարման եւ զարգացման նախարարի ժամանակաւոր պաշտօնակատար, ՀՅԴ անդամ Դաւիթ Լոքեան եւս նշեց, որ պատրաստ է շարունակելու իր աշխատանքը իբրեւ նախարար, բայց աւելցուց, որ դեռ հարցը քննարկուած չէ եւ ինք չի գիտեր եթէ պիտի շարունակէ պաշտօնավարել, թէ ոչ:
comments
Արցախի Հանրապետութեան Ազգային Ժողովի Նախագահի Կոչը
Հայկական Կարմիր Խաչ Կ՛ահազանգեց, Որ Ատրպէյճանի Կարմիր Մահիկը Կը Խախտէ Շարժման Սկզբունքները
Կոչ Աւստրալիահայ գաղութին՝ բոլորս Արցախի կողքին
Ահաւոր Արկած Երեւան-Գիւմրի Ճամբուն Վրայ. Զոհուած Է 11 Հոգի
Էրտողան. «Զանգեզուրի Միջանցքի Անյապաղ Բացումը Կարեւոր Է Կարգաւորման Համար»