By Asbarez | Saturday, 12 May 2018
ՊՈԼԻՍ, <<Ակօս>>.- Թուրքիոյ խորհրդարանի նախագահ Իսմայիլ Քահրաման պատասխանեց ընդդիմադիր եւ քրտամէտ Ժողովուրդներու ժողովրդավարական կուսակցութեան անդամ եւ խորհրդարանի հայազգի պատգամաւոր Կարօ Փայլանի՝ Հայոց Ցեղասպանութիւնը ճանչնալու եւ անոր զոհերու ժառանգորդներուն քաղաքացիութիւն շնորհելու մասին դիմումին:
Քահրաման յայտարարեց, որ նման պահանջի մը կատարումը կը հակասէ թուրք ժողովուրդին ազգային գիտակցութեան ու պատմութեան: Խորհրդարանի նախագահութիւնը նաեւ մեղադրեց հայազգի պատգամաւորը՝ <<թուրք ժողովուրդի անցեալն ու Թուրքիոյ պետութիւնը վիրաւորելով՝ խորհրդարանի կանոնակարգի 67րդ կէտը խախտելուն համար>>:
Նախագահութիւնը մերժեց Փայլանի առաջարկած օրինագիծը եւ ետ ուղարկեց զայն պատգամաւորին՝ <<անհրաժեշտ ուղղումներ>> իրականացնելու համար:
Իր օրինագիծով, Փայլան մասնաւորապէս պահանջած էր ճանչնալ Հայոց Ցեղասպանութիւնը, բացառել հասարակական վայրերը ոճրագործներու անուններով կոչելը ու քաղաքացիութիւն շնորհել Ցեղասպանութեան զոհ գացած կամ անկէ տուժած հայերու ժառանգորդներուն:
<<Ցեղասպանութենէն ետք ողջ մնացած հայերը 103 տարիէ կը պայքարին իրենց գլխուն եկած ողբերգութեան հետ կապուած արդարութիւնը վերականգնելու համար: Սակայն, Ցեղասպանութենէն տուժած միլիոնաւոր հայեր արդէն իսկ հրաժեշտ տուած են կեանքին՝ առանց ճաշակելու արդարութեան հասնելու զգացումը: Այն վայրը, ուր պէտք է քննարկուի Հայոց Ցեղասպանութիւնը, Թուրքիոյ խորհրդարա՛նն է. երբ այդ կատարուի՝ Հայոց Ցեղասպանութիւնը պիտի դադրի այլ երկիրներու խորհրդարաններուն մէջ քննարկուելիք հարց դառնալէ>>, ըսած էր Փայլան:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին