Քրտամէտ կուսակցութիւնը կը խոստանայ Հայ-Թրքական սահմանը բանալ առանց նախապայմաններու

By Asbarez | Wednesday, 16 May 2018

 

0516Demirtas

ԵՐԵՒԱՆ, <<Էրմենիհապեր>> - Անգարայի <<Հիլթըն>> պանդոկին մէջ Մայիս 15ին կայացած է Թուրքիոյ քրտամէտ Ժողովուրդներու ժողովրդավարական կուսակցութեան ժողովը, որուն ընթացքին հրապարակուած է կուսակցութեան նախընտրական ծրագիրը, որ կեանքի պիտի կոչուի՝ եթէ կուսակցութիւնը յաղթանակ արձանագրէ Յունիս 24ին Թուրքիոյ մէջ կայանալիք կանխահաս խորհրդարանական ընտրութիւններուն ընթացքին:

Ըստ թրքական <<Մայնեթ>> լրատուական կայքին՝ վերոնշեալ ծրագիրի հեղինակն է բանտարկուած Սալահետտին Տեմիրթաշը, որ նաեւ կուսակցութեան կողմէ առաջադրուած նախագահի թեկնածուն կը հանդիսանայ:

Ծրագիրին մէջ կը խօսուի ներքին եւ արտաքին քաղաքականութեան մարզերուն մէջ իրականացուելիք քայլերու եւ փոփոխութիւններու մասին: Արտաքին քաղաքականութեան վերաբերող հատուածին մէջ ակնարկութիւն կայ նաեւ հայ-թրքական յարաբերութիւններուն: Հոն կ՛ըսուի. <<Հայաստանի նկատմամբ կիրառուող տնտեսական արգելքը պիտի վերացուի, տնտեսական ոլորտէն ներս պիտի առնուին անհրաժեշտ քայլեր եւ պիտի զարգանան քաղաքական եւ դիւանագիտական յարաբերութիւնները: Թուրքիոյ կողմէ միակողմանի կերպով փակուած հայ-թրքական սահմանը պիտի բանանք՝ առանց նախապայմաններու, եւ պիտի աջակցինք Ղարաբաղի հիմնահարցի խաղաղ կարգաւորման ջանքերուն>>:

Միւս կողմէ, քրտամէտ կուսակցութենէն հայ պատգամաւոր Կարօ Փայլան Մայիս 15ին հաղորդած է, թէ յաջորդ օրը վերջապէս պիտի տեսակցի Տեմիրթաշի հետ, որ 2016էն ի վեր բանտարկուած կը մնայ։ Փայլան այս մասին գրած է. <<Թուրքիոյ արդարադատութեան նախարարը 18 ամիս ետք բաւարարեց դիմումս՝ Սալահետտին Տեմիրթաշին հետ տեսակցելու վերաբերեալ: Անիկա իմ ներկայացուցած 86րդ դիմումն էր: Եթէ Տեմիրթաշին ուղղելիք հարցումներ կամ առաջարկութիւններ ու ողջոյններ կ՛ուզէք յղել, ապա գրեցէ՛ք ինծի: Վաղը կը փոխանցեմ իրեն>>:

 



comments

More headlines

Յայտարարութիւն

«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը

Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը

Երեւան-Պաքու Լարուածութիւնը Մագլցում Կ՛արձանագրէ

Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին

Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը

Ըստ Հայաստանի Արտաքին Գործոց Նախարարութեան. Ազրպէյճանը Անթաքոյց Կերպով Կը Ծրագրէ Հաւաքական Պատիժի Ենթարկել Լեռնային Ղարաբաղի Ամբողջ Ժողովուրդը

Արցախի Նախագահը Անվտանգութեան Խորհուրդի Նիստի Հրաւիրեց. Քննարկուեցան Առեւանգուած Քաղաքացիները Վերադարձնելու Քայլերը

Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ

Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին

Advertisement