Մինսկի Խումբի Համանախագահները Մնացականեանին Ներկայացուցին Արցախի Հարցի Լուծման Իրենց Մօտեցումները

By Asbarez | Friday, 15 June 2018

0614zohrab

ԵՐԵՒԱՆ - Հայաստանի արտաքին գործոց նախարար Զօհրապ Մնացականեան, 12 Յունիսին ընդունեց ԵԱՀԿ Մինսկի խումբի համանախագահներ Իկըր Փոփովը, Սթեֆան Վիսքոնթին, Էնտրիւ Շոֆըրը եւ ԵԱՀԿի գործող նախագահի անձնական ներկայացուցիչ Անճէյ Գասփըրչիքը:

Արժեւորելով ԵԱՀԿ Մինսկի խումբի համանախագահներուն առաքելութիւնը՝ նախարար Մնացականեան կարեւոր համարեց այցելութիւնը՝ ընդգծելով, որ անիկա հնարաւորութիւն կ՛ընձեռնէ անմիջական առաջին շփումը հաստատելու Հայաստանի մէջ նոր կառավարութեան ձեւաւորումէն ետք: Նախարարը վերահաստատեց Հայաստանի մօտեցումները եւ դիրքորոշումը կարգաւորման գործընթացին վերաբերեալ՝ շեշտելով, որ Հայաստան հաւատարիմ է ԵԱՀԿ Մինսկի խումբի համանախագահութեան ծիրին մէջ ղարաբաղեան հիմնահարցի բացառապէս խաղաղ հանգուցալուծման:

Համանախագահները Հայաստանի արտաքին գործոց նախարարին ներկայացուցին հիմնահարցի հանգուցալուծման ջանքերուն վերաբերեալ իրենց փորձառութիւնն ու մօտեցումները:

Զրուցակիցները միտքեր փոխանակեցին Արցախի հիմնահարցի կարգաւորման շուրջ եւ անդրադարձան բանակցային գործընթացը յառաջ տանելու հնարաւորութիւններուն՝ կարեւոր համարելով խաղաղութեան նպաստող մթնոլորտի ձեւաւորումը:

Անդրադառնալով նախօրէին սահմանագիծին վրայ Ատրպէյճանի կողմէ Արցախի Պաշտպանութեան բանակի զինուորի սպանութեան՝ նախարար Մնացականեան շեշտեց, որ նման սադրանքներով ատրպէյճանական կողմը լրջօրէն կասկածի տակ կը դնէ իր յանձնառութիւնը խաղաղ գործընթացին:

Հանդիպման ընթացքին քննարկուեցան եռանախագահներու ձեւաչափով իրականացուելիք յետագայ քայլերը:

comments

More headlines

Յայտարարութիւն

«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը

Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը

Երեւան-Պաքու Լարուածութիւնը Մագլցում Կ՛արձանագրէ

Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին

Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը

Ըստ Հայաստանի Արտաքին Գործոց Նախարարութեան. Ազրպէյճանը Անթաքոյց Կերպով Կը Ծրագրէ Հաւաքական Պատիժի Ենթարկել Լեռնային Ղարաբաղի Ամբողջ Ժողովուրդը

Արցախի Նախագահը Անվտանգութեան Խորհուրդի Նիստի Հրաւիրեց. Քննարկուեցան Առեւանգուած Քաղաքացիները Վերադարձնելու Քայլերը

Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ

Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին

Advertisement