ԵՐԵՒԱՆ, <<Նիուզ>> - Իրանի ազգային կազի ընկերութեան գործադիր տնօրէն Համիտ Ռեզա Երկուշաբթի, 18 Յունիսին, Երեւանի մէջ յայտարարեց, որ այս տարի Հայաստան աւելի մեծ ծաւալներով բնական կազ պիտի ստանայ Իրանէն:
Ռեզա յիշեցուց, որ երկու երկիրները համաձայնութեան հասած են ելեկտրական ուժի դիմաց իրանեան կազի արտածման շուրջ՝ ըստ որուն, Հայաստան պարտաւորուած է Իրանին մատակարարել 3 քիլոուաթ/ժամ ելեկտրական ուժ՝ մէկ խորանարդ մեթր կազի դիմաց:
2018ին Իրանէն Հայաստան կազի արտածումը կը մեծնայ օրական մէկ միլիոն խորանարդ մետթրէն մինչեւ 1.6 միլիոն խորանարդ մետթր:
