Գիւղատնտեսութեան Նախարարը Ընդունեց Միջազգային Զարգացման Ամերիկեան Գործակալութեան Պատուիրակութիւնը

By Asbarez | Monday, 06 August 2018

0804USAID

ԵՐԵՒԱՆ.- Հայաստանի գիւղատնտեսութեան նախարար Արթուր Խաչատրեան Ուրբաթ, 3 Օգոստոսին ընդունեց Ամերիկայի Միացեալ Նահանգներու Միջազգային զարգացման գործակալութեան (ՄԶԳ, USAID) հայաստանեան առաքելութեան տնօրէն Տեպըրա Քրիզըրի  գլխաւորած պատուիրակութիւնը:

Հանդիպման ընթացքին նախարար Խաչատրեան մեծապէս գնահատեց Ամերիկայի կառավարութեան կողմէ Հայաստանի գիւղատնտեսութեան զարգացման տրամադրուող օժանդակութիւնը՝ յայտնելով, թէ յոյս ունի, որ կողմերուն միջեւ համագործակցութիւնը կը շարունակէ ընդլայնիլ: Այնուհետեւ նախարարը ներկայացուց գիւղատնտեսութեան քաղաքականութեան նոր առաջնահերթութիւնները:

Նախարարը մասնաւորապէս շեշտեց, որ ուշադրութեան առանցքը պիտի դառնայ փոքր տնտեսութիւններու զարգացումը՝ հողերու խոշորացման, միաւորումներու ստեղծման, ենթակառուցուածքներու բարելաւման, դրամական միջոցներու հասանելիութեան, գիւղատնտեսական մեքենաներու թարմացման եւ ընդհանրապէս գիւղատնտեսական արժեշղթայի ամբողջական զարգացման միջոցով:

Տեպըրա Քրիզըր, իր հերթին, գոհունակութիւն յայտնեց ՄԶԳի եւ Հայաստանի գիւղատնտեսութեան նախարարութեան միջեւ երկարամեայ պատմութիւն ունեցող համագործակցութեան համար: Անդրադառնալով  յետագայ գործակցութեան հեռանկարներուն՝ ան նշեց, որ թէեւ այս տարեվերջի աւարտին կը մօտենան «Գործընկերութիւն՝ յանուն գիւղական համայնքների զարգացման» եւ «Գիւղի զարգացման արդի նախաձեռնութիւն» ծրագիրները, սակայն կը նախատեսուի մեկնարկել նոր՝ «Գիւղատնտեսութեան զարգացում-նոր տնտեսական հնարաւորութիւն» հնգամեայ դրամաշնորհային ծրագիրը, որուն թիրախը կը դառնան գիւղական փոքր տնտեսութիւնները: Աջակցութիւնը գլխաւորաբար պիտի ուղղուի այգեգործութեան զարգացման, մասնաւորապէս նոր մշակաբոյսերու, ջերմատուներու, խաղողագործութեան, գիւղատնտեսական առաջնային արտադրութեան խթանման. կարելի է նաեւ գինիի փոքրածաւալ արտադրութեան եւ գիւղատնտեսական զբօսաշրջութեան զարգացման ֆինանսաւորումը:


comments

More headlines

Արցախի Հանրապետութեան Ազգային Ժողովի Նախագահի Կոչը

Հայկական Կարմիր Խաչ Կ՛ահազանգեց, Որ Ատրպէյճանի Կարմիր Մահիկը Կը Խախտէ Շարժման Սկզբունքները

Կոչ Աւստրալիահայ գաղութին՝ բոլորս Արցախի կողքին

Ահաւոր Արկած Երեւան-Գիւմրի Ճամբուն Վրայ. Զոհուած Է 11 Հոգի

Ազրպէյճանի Արտաքին Գործոց Նախարարութեան Համաձայն. 5 Օգոստոսին Եւլախի Մէջ Արցախի Ներկայացուցիչներու Հետ Հանդիպելու Համաձայնութիւն Եղած Է

Արցախի Նախագահը Հրատապ Ուղերձ Կը Յղէ Միջազգային Հանրութեան. «Անյապաղ Գործե՛լ Ու Կասեցնե՛լ Արցախի Ժողովուրդի Ցեղասպանութիւնը»

Արամ Ա. Կաթողիկոս Կը Շնորհաւորէ Դաւիթ Իշխանեանը` Արցախի Հանրապետութեան Խորհրդարանի Նախագահ Ընտրուելուն Առիթով

Էրտողան. «Զանգեզուրի Միջանցքի Անյապաղ Բացումը Կարեւոր Է Կարգաւորման Համար»

Ուաշինկթըն. «Խաղաղութիւնը Պէտք Է Ներառէ Լեռնային Ղարաբաղի Բնակչութեան Իրաւունքներու Եւ Անվտանգութեան Պաշտպանութիւնը. Կ՛ողջունենք Երկխօսութիւնը, Որ Կ՛առաջնորդուի Այս Նպատակով»

ՄԻԵԴ-ը Ազրպէյճանին Մինչեւ 8 Օգոստոս Ժամանակ Տրամադրած Է Վագիֆ Խաչատրեանի Վերաբերեալ Տեղեկութիւն Տրամադրելու Համար

Advertisement