ԵՐԵՒԱն - Հայաստանի Ազգային ժողովը հաւանութիւն տուաւ ՀՀԿ խմբակցութեան պատգամաւոր Մանուէլ Գրիգորեանը ազատութենէ զրկելու մասին Հայաստանի գլխաւոր դատախազի միջնորդութեան: Փակ քուէարկութեան արդիւնքները ներկայացուց Հայաստանի Ազգային ժողովի ժամանակաւոր հաշուիչ յանձնախումբի նախագահ Գագիկ Մելիքեան:
Մանուէլ Գրիգորեան ազատութենէ զրկելու մասին Հայաստանի գլխաւոր դատախազի միջնորդութեան քուէարկութեան մասնակցեցան 82 պատգամաւորներ: Կողմ քուէարկեցին 77, դէմ 3 պատգամաւորներ: Անվաւեր ճանչցուեցան 2 քուէաթերթիկներ:
Յիշեցնենք որ, Ազգային ժողովը 81 թեր քուէով արդէն հաւանութիւն տուած էր Մանուէլ Գրիգորեանը անձեռնմխելիութենէ զրկելու եւ անոր նկատմամբ քրէական գործ յարուցելու միջնորդութեան: