Չորեքշաբթի 22 Փետրուար 2017ին երեկոյեան Աւստրալիոյ մէջ յետ երկարատեւ հիւանդութենէն իր մահկանացուն կնքեց Աւստրալահայ գաղութի հաւատարիմ զաւակներէն ընկեր Վրէժ Մկրտիչեանը:
Արմենիա Մետիա մամլոյ եւ տեղեկատուական ընկերակցութեան խնամակալ կազմն ու խմբագրական անձնակազմը իր խորին ցաւակցութիւնները կը յայտնէ հանգուցեալին հարազատներուն եւ Աւստրալահայ գաղութին:
Հանգուցեալին թաղման արարողութիւնը տեղի պիտի ունենայ Ուրբաթ 24 Փետրուար 2017ին կէսօրէ ետք ժամը 2:00ին Հայ Առաքելական Սուրբ Յարութիւն եկեղեցիէն ներս (10 Macquarie St Chatswood): Թաղման արարողութենէն ետք հոգեսուրճ պիտի մատուցուի Հայ Մշակութային Կեդրոնէն ներս (259 Penshurst St Willoughby):
Այս տխուր առիթով ՀՅԴ Աւստրալիոյ Կեդրոնական Կոմիտէն հրապարակեց հետեւեալ յայտարարութիւնը՝
ԳՈՅԺ
Հայ Յեղափոխական Դաշնակցութեան Աւստրալիոյ Կեդրոնական Կոմիտէն սրտի խոր կսկիծով կը գուժէ ընկերական կազմի հաւատաւոր ընկերներէն ընկեր Վրէժ Մկրտիչեանի մահը:
Հայ Յեղափոխական Դաշնակցութեան Աւստրալիոյ մեծ ընտանիքի անունով կու գանք մեր խորին վշտակցութիւնը յայտնելու ընկեր Վրէժ Մկրտիչեանի ընտանիքին, հարազատներուն, Աւստրալահայ գաղութին եւ բոլոր ընկերներուն:
ՀՅԴ Աւստրալիոյ Կեդրոնական Կոմիտէ
Սիտնի - Աւստրալիա