Վանայ Ձայնի հարցազրոյցը Վաչէ Գահրամանեանի հետ
By armenia.com.au | Monday, 13 November 2017
Լիբանանի մէջ գործող <<Վանայ Ձայն>> ռատիոկայանը Երկուշաբթի 13 Նոյեմբեր 2017ին <<Հայկական Աշխարհի Լուրեր>> յայտագիրը հարցազրոյց մը կազմակերպած էր Աւստրալիոյ Հայ Դատի յանձնախումբի վարիչ տնօրէն Վաչէ Գահրամանեանի հետ:
Հարցազրոյցի ընթացքին Գահրամանեան խօսեցաւ Աւստրալիոյ Հայ Դատի յանձնախումբի կատարած աշխատանքներուն մասին յատկապէս անդրադառնալով Հոկտեմբեր ամսուայ ընթացքին տեղի ունեցած Աւստրալիոյ Հայ Դատի յանձնախումբի պահանջատիրական աշխատանքներուն:
Անդրադառնալով Աւստրալիոյ մէջ Թուրքիոյ եւ Ազրպէյճանի կառավարութիւններու կողմէ տարուած քարոզչական աշխատանքներուն Գահրամանեան ըսաւ << Հակառակ զոյգ կառավարութիւններու կողմէ ծախսուած հսկայ գումարներուն, Աւստրալիոյ Հայ Դատի յանձնախումբը իր համեստ սակայն արհեստավարժ կարողութիւններով կը կատարէ իր աշխատանքը որովհետեւ արդարութիւնը մեր կողքին է>>:
<<Ոչ՝ Թուրքիոյ եւ ոչ ալ՝ Ազրպէյճանի կառավարութիւններուն վառած քաղաքականութիւնը իր մեծ արձագանքը գտած է Աւստրալիոյ հեռաւոր ափերուն մէջ շնորհիւ մեր գրասենեակի եւ աշխատակազմի կողմէ կատարուած հսկայ եւ աննախընթաց քարոզչական աշխատանքներուն որուն արդիւնքով 2013 թուականին Աւստրալիոյ մեծագոյն նահանգը՝ Նիու Սաութ Ուէլզը ճանչցաւ Արցախի Հանրապետութիւնը>> աւելցուց Գահրամանեան:
Հարցազրոյցը ամբողջովին կրնաք ունկնդրել՝
https://soundcloud.com/user-662278087/lourer-10-30-am-mr-vache-karamanian-13-11-2017
comments
More headlines
Ոչ եւս է Ընկեր Այւազ Գրիգորեանը
Աւստրալիա Լայվ. Սուրիոյ Հայ Աւետարանական համայնքի համայնքապետ Վերապատուելի Դոկտ. Յարութ Սէլիմեան
Հ.Յ.Դ. Աւստրալիոյ 50-րդ Շրջանային Ժողով
Զօրակցութեան յայտարարութիւն Ազատ Արցախի Հանրապետութեան
Շնորհաւոր 132րդ ամեակդ Հայ Յեղափոխական Դաշնակցութիւն
Հայահոծ Րայտ Շրջանի Քաղաքապետարանը 10,000 տոլար կը նուիրէ #TogetherWithSyria հանգանակութեան
