Հրապարակի վրայ է ՀՅԴ Աւստրալիոյ ԿԿոմիտէի կողմէ պատրաստուած Հայաստանի Հանրապետութեան 100 ամեակի նուիրուած վիճակահանութեան տոմսերը որոնք համարեայ սպառած են արդէն:
Վիճակահանութեան տոմսերու շահող թիւերը պիտի յայտարարուին ուղիղ եթերով Երկուշաբթի 19 Մարտ 2018-ին տեղի ունենալիք <<Արցախի Զօրակցութեան>> նուիրուած թելեթոնի ընթացքին:
<<Վիճակահանութիւնները միջոց մըն է յիշեցնելու համար Աւստրալհայ գաղութին անկախութեան 100 ամեակի կարեւորութեան մասին>> յայտարարեց վիճակահանութեան կազմակերպիչ յանձնախումբի անդամ Օննիկ Սողոմոնեան: <<Յանձնախումբս տքնաջան աշխատանք տարաւ կարելի եղած չափով սպառելու բոլոր տոմսերը: Վստահ եմ որ գաղութի զաւակներուն աջակցութեամբ շուտով պիտի սպառենք բոլոր տոմսերը>> աւելցուց Սողոմոնեան:
Յիշենք որ վիճակահանութեան գլխաւոր պարգեւն է դէպի Հայաստան 2 տոմսակ մասնակցելու համար անկախութեան 100 ամեակի միջոցառումներուն (ներառեալ կեցութիւնը), երկրորդ պարգեւը՝ նաւապտոյտ իսկ երրորդ պարգեւը $2,500 տոլարի արժէքով նուէր մը Flight Centre ընկերութենէն: