By Asbarez | Monday, 30 July 2018
ՍՏԵՓԱՆԱԿԵՐՏ, «Ապառաժ».- 16 Յուլիսին, Ստեփանակերտի մէջ մեկնարկեցին ՀՅ Դաշնակցութեան Երիտասարդական միութիւններու երկու ճամբարներ՝ Աշոտ Ղուլեանի անուան թիւ երկու դպրոցին մէջ ՀՅԴ Ամերիկայի Արեւմտեան շրջանի Հայ Երիտասարդաց Դաշնակցութեան եւ Հայկ Բալասանեանի անուան թիւ 5 դպրոցին մէջ՝ ՀՅԴ Աւստրալիոյ Երիտասարդական Միութեան նախաձեռնութեամբ ընթացող ճամբարները:
10-16 տարեկան պատանիներու համար նախատեսուած այս ճամբարները պիտի տեւեեն 10 օր: Ճամբարներու կազմակերպչական եւ ընթացիկ աշխատանքներուն կ՛օժանդակեն ՀՅԴ Արցախի Երիտասարդական եւ Պատանեկան միութիւնները:
Թիւ 5 դպրոցին մէջ կարմիր, կապոյտ եւ ծիրանագոյն խումբերու բաժնուած 150է աւելի պատանիները հնարաւորութիւն ունին արձակուրդային օրերուն բարելաւելու հայոց պատմութեան եւ անգլերէնի իրենց գիտելիքնեըը, ձեռք բերելու նոր ընկերներ, երգելու եւ խաղալու: Ճամբարի սկիզբը ամէն օր կ՛ազդարարու առաւօտեան ժամը 10ին «Մշակ Բանուոր» քայլերգով եւ կ՛աւարտի կէսօրէն ետք ժամը 4ին՝ Արցախի քայլերգով:
Արցախ ժամանած աւստրալահայ 28 երիտասարդներ մինչ այդ երկշաբաթեայ բանակումի մասնակցեցան, Երեւանի Նոր Նորք վարչական շրջանին մէջ: Արցախի մէջ Աւստալիոյ Երիտասարդական Միութիւնը առաջին անգամն է, որ ճամբար կը կազմակերպէ: 2015ին Աւստրալիոյ Երիտասարդական Միութեան 5 անդամներ մասնակցած էին Ամերիկայի Արեւմտեան շրջանին կողմէ Արցախի մէջ կազմակերպուած ճամբարին եւ անկէ ետք է, որ 2016ին առաջին ճամբարը կազմակերպեցին Հայաստանի մէջ:
comments
7 Երեսփոխաններ Աւստրալիոյ Խորհրդարանին Մէջ Հայոց Ցեղասպանութիւնը Ճանչնալու Կոչ Ըրին
ՀՅԴ Աւստրալիոյ Կեդրոնական Կոմիտէի Յայտարարութիւնը Հայաստանի Ազգային Ժողովի Ընտրութիւններուն Առիթով
Համազգային Հայ Կրթական եւ Մշակութային միութեան 90 ամեակի Տօնակատարութիւն Մելպուրնի մէջ
ԱՅՍ ԿԻՐԱԿԻ. ՀՅԴ 128 ամեակի նուիրուած գեղարուեստական երեկոյ Սիտնիի մէջ
Արցախին աջակցելու կոչ Աւստրալիոյ կառավարութեանը
Համազգային Հայ Կրթական եւ Մշակութային Միութեան հիմնադրութեան 90-ամեակի շքեղ հանդիսութիւն Սիտնիի մէջ
Աւստրալիա Արցախի Հակամարտութեան Հարցով Կողմերէն Ոչ Մէկուն Կը Սատարէ
Համազգայինի Հիմնադրութեան 90 Ամեակի նուիրուած Երեկոյ
Հ.Մ.Ը.Մ. -ի Աւստրալիոյ Միջ Մասնաճիւղային 20-րդ ընդհանուր Բանակում
