By Asbarez | Thursday, 06 April 2017
ՍՏԵՓԱՆԱԿԵՐՏ, <<Արցախփրէս>> - Շատ երախտապարտ եմ հայ քաջարի զինուորներու ծառայութեամբ, կ՛ըսէ ամերիկահայ ռոք երաժիշտ եւ երգահան Սերժ Թանքեան, որ Պաշտպանութեան բանակի զօրամաս այցելելէ ետք մասնակցեցաւ նաեւ Հադրութի շրջանի Առաջամուղ գիւղին մէջ նոր բնակարաններու յանձնման հանդիսաւոր արարողութեան։
<<Իրապէս շատ յուզուած եւ հպարտ եմ՝ տեսնելով Հադրութի շրջանի սահմանամերձ Առաջամուղ գիւղի նոր բնակարաններու յանձնման այս պահը: Ընկերոջս՝ Ատոմ Էկոյեանին կ՛ըսէի, որ տարբեր միջոցառումներու բացման մասնակցած եմ, բայց սա ամենայուզիչն էր ինծի համար, որովհետեւ այստեղ հայ ընտանիք պէտք է ապրի, որուն համար մենք շատ ուրախ ենք>>, ըսաւ Թանքեան եւ ընդգծեց, որ իրենք հաճոյքով պէտք է ծրագիր մը կազմակերպեն Արցախի մէջ:
<<Ես շատ կը ցանկայի, որ օր մըն ալ գայի Արցախ, նուագէի եւ եթէ կարենամ, ուրիշ արուեստագէտներ ալ հետս բերեմ: Հիմա ամենակարեւորը Արցախի մասին խօսիլն է եւ զայն ներկայացնելը տարբեր վայրերու եւ մարդոց: Պէտք է բոլորը իմանան, որ Արցախը շատ գեղեցիկ երկիր է. եւ այստեղի ժողովուրդը բոլորին կը սպասէ ժպիտներով եւ մեծ սիրով: Յոյսով եմ, որ իմ մենահամերգս Արցախի մէջ չ՛ուշանար>>, ընդգծեց երգիչը:
Յիշեցնենք, որ <<Թուֆենքեան>> հիմնադրամի նախաձեռնութեամբ, Ապրիլ 3էն սկսեալ եռօրեայ այցով Արցախ կը գտնուին անուանի սփիւռքահայ արուեստագէտներ Սերժ Թանքեան, Արսինէ Խանճեան, Ատոմ Էկոյեան եւ Էրիք Նազարեան:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian