By Asbarez | Monday, 22 October 2018
ԵՐԵՒԱՆ, «Արմէնփրէս».- 90 տարեկանին Պոլսոյ մէջ իր մահկանացուն կնքեց աշխարհահռչակ լուսանկարիչ Արա Կիւլեր:
Արա Կիւլեր ծնած է 1928ին, Պոլիս: Դպրոցական տարիներուն աշխատած է Թուրքիոյ շարժապատկերի աշխատանոցներու մէջ եւ յաճախած է թատերական դասընթացքներու: 1950ին սկսած է աշխատելու «Նոր Ստամպուլ» թերթին, զուգահեռաբար ուսանելով Պոլսոյ համալսարանին մէջ, հետեւելով տնտեսագիտութեան ճիւղին: Յետագային տեղափոխուած է «Հիւրիեթ» թերթի խմբագրութիւն: 1958ին դարձած է ամերիկեան «Լայֆ Թայմ» թերթի թրքական մասնաճիւղի Միջին Արեւելքի առաջին թղթակիցը, ինչպէս նաեւ գործակցած է միջազգային քանի մը հեղինակաւոր լրատուամիջոցներու հետ: 1961ին աշխատանքի անցած է «Հայաթ» թերթն մէջ՝ գլխաւորելով լուսանկարչական բաժինը: 1960ականներէն ի վեր, անոր լուսանկարները զարդարած են անուանի գրողներու գիրքերը եւ ցուցադրուած են աշխարհի զանազան ցուցահանդէսներու:
1970ականներուն հարցազրոյցներ կատարած է հեղինակաւոր դէմքերու հետ եւ առած անոնց լուսապատկերները. վերջիններուս շարքին էին՝ Ուինսթըն Չըրչըլ, Մարիա Քալաս, Պերնարտ Ռասըլ, Սալվատոր Տալին, Փապլօ Փիքասօ, Ինտիրա Կանտի եւ ուրիշներ:
Կիւլեր կը նկատուի Թուրքիոյ մէջ ֆոթօնկարչութեան հիմնադիրը:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian