By Asbarez | Friday, 20 December 2019
ԵՐԵՒԱՆ, «Երկիր».- Թուրքիոյ խորհրդարանի հայազգի երեսփոխան Կարօ Փայլան մշակոյթի եւ զբօսաշրջութեան նախարարութեան 2020ի ամավարկի քննարկման ընթացքին քննադատած էր Թրքական պատմագիտական եւ Թրքական լեզուաբանական հիմնարկները, որոնց գրաւոր պատասխանը եկած էր:
Նախարար Մեհմետ Էրսոյի ստորագրութեամբ պատասխանին մէջ կը նշուի, որ Թրքական պատմագիտական հիմնարկը միայն Թուրքիոյ պատմութեան շուրջ աշխատանքներ չ՛իրականացներ:
Փայլան իր գրաւոր դիմումին մէջ կը նշէր, որ այդ հիմնարկներուն աշխատանքները ցոյց չեն տար Թուրքիոյ բազմամշակութային էութիւնը, իսկ թուրքերէն բացի՝ այլ ժողովուրդներու համար կատարուած աշխատանքները զուրկ են առակայական ըլլալէ եւ ակնյայտ թշնամական ուղղուածութիւն ունին:
«Թրքական պատմագիտական հիմնարկի ղեկավարութիւնը միայն Թուրքիոյ պատմութիւնը չ՛ուսումնասիրեր: Քիւրտերու, հայերու, ասորիներու եւ այս հողերուն վրայ ապրող այլ ազգերու կողքին Անատոլիոյ մէջ բնակած խէթերու, ասորիներու, բիւզանդացիներու, հռոմէացիներու եւ լիտիացիներու վերաբերեալ եւս աշխատանքներ կը տարուին», կը նշուի նախարարութեան պատասխանին մէջ, որուն հակադարձեց Փայլան՝ պատասխանելով, որ «20րդ դարու առաջին կէսին հայ-թրքական յարաբերութիւններու միջազգային գիտաժողով»ին ընթացքին հայերու հասցէին թշնամական որակումներ կու տային եւ այդ ժողովին եզրափակիչ յայտարարութեան մէջ հայերը կ՛որակէին իբրեւ ահաբեկիչ:
«Հայերը ահաբեկիչ կ՛անուանէք, եւ կան ատելութեան խօսքեր: Ինչպէ՞ս կը բացատրէք այդ», նախարարութեան ուղղուած հարցադրման մէջ նշած էր Փայլան:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian