Սիրելի՛ Հայրենակիցներ,
2020 Սեպտեմբերի 27-ի վաղ առաւօտեան ժամերուն բոլորս ականատես եղանք այնպիսի վայրագութեան մը, որ այս անգամ ոչ թէ ուղղուած էր Հայաստանի եւ Արցախի սահմանային շրջագծին, այլ նաեւ կը հասնէր անոր անմեղ բնակչութեան:
Դժբախտաբար այս կացութեան հետեւանքով հայկական բանակը եւ հայկական շրջանները վնասներու ենթարկուեցան:
Զօրակոչ տեղի ունեցաւ եւ բազմաթիւ կամաւորական խումբեր սկսան ուղղուիլ սահման:
Նկատի առնելով այս բոլոր իրողութիւնները, այսօր դարձեալ մենք՝ Աւստրալիոյ հայկական երեք յարանուանութիւնները, երեք քաղաքական կուսակցութիւնները եւ հայկական բոլոր ազգային կառոյցները.-
• Կոչ կ’ուղղենք մեր ժողովուրդին շարունակել գործել միասնական, համահայկական հաստատակամութեամբ աջակցիլ հայկական բանակին եւ շարունակել Արցախի Հանրապետութեան միջազգային ճանաչման պահանջատիրութիւնը:
• Կոչ կ’ուղղենք միջազգային հանրութեան դատապարտել Թուրք-Ազերիական յարձակումներն ու զինուորական գործունէութիւնները, որոնք կը վտանգեն թէ՛ Արցախի եւ թէ՛ Հայաստանի Հանրապետութեանց սահմաններն ու բնակչութիւնը:
• Կոչ կ’ուղղենք բարձրաձայն եւ միասնական պահանջներով ՄԱԿ-ի, ԵԱՀԿ-ի եւ Մինսկի խմբակներու մաս կազմող երկիրներուն ճնշում բանեցնել, կասեցնելու Թուրք-Ազերիական յարձակումները:
Առ այդ, բոլոր անոնք որոնք կը փափաքին նիւթական օժանդակութեամբ զօրավիգ կանգնիլ Արցախին, կրնան իրենց մասնակցութիւնը բերել այցելելով կայքէջը Հայաստան Համահայկական Հիմնադրամին (https://www.himnadram.org/) որուն միջոցով պիտի կատարուի դրամահաւաքի գործընթացը:
Եւ վերջապէս սիրելի՛ Հայրնակիցներ, եկէ՛ք ինչպէս 1988-ի Արցախեան պահանջատիրութեան սկզբնական օրերուն, այսօր եւս մեր միացեալ յայտարարութեամբ դարձեալ «ամէն բանէ վեր պահպանենք մեր ժողովուրդի միութիւնը, որուն մէջ է մեր զօրութիւնը եւ հեռատեսութեամբ հետապնդենք մեր գերագոյն շահերը»:
Աւստրալիոյ եւ Նոր Զելանտայի Հայ Առաքելական Եկեղեցի Աւստրալիոյ Հայ Կաթողիկէ ԵկեղեցիԱւստրալիոյ Հայ Աւետարանական ԵկեղեցիՀայ Յեղափոխական Դաշնակցութեան Աւստրալիոյ Կեդրոնական ԿոմիտէՍոցեալ Դեմոկրատ Հնչակեան Կուսակցութեան Աւստրալիոյ Վարիչ ՄարմինՌամկավար Ազատական Կուսակցութեան Աւստրալիոյ Շրջանային ՎարչութիւնԱւստրալիոյ Հայ Օգնութեան ՄիութիւնԱւստրալիոյ Հայկական Բարեգործական Ընդհանուր Միութիւն Աւստրալիոյ Հայ Աւետարանչական ԸնկերակցութիւնԱւստրալիոյ Հայ Դատի ՅանձնախումբԱւստրալիոյ Համազգային Հայ Կրթական եւ Մշակութային ՄիութիւնԱւստրալիոյ Հայ Մարմնակրթական Ընդհանուր ՄիութիւնԱւստրալիոյ Թէքէյեան Մշակութային ՄիութիւնԱւստրալիոյ Նոր Սերունդ Մշակութային ՄիութիւնՀՅԴ Աւստրալիոյ Երիտասարդական ՄիութիւնԱւստրալիոյ Տխրունի Երիտասարդական ՄիութիւնՀայ Առաքելական Եկեղեցւոյ Երիտասարդական ՄիութիւնԱւստրալիոյ ՀԲԸՄ-ի Երիտասարդական ՄիութիւնԱւստրալահայութեան Օժանդակութեան Աղբիւրներու ԿեդրոնԱրմենիա Մետիա Մամլոյ եւ Տեղեկատուական ԸնկերակցութիւնԱւստրալիոյ մէջ Արցախի Հանրապետութեան Մշտական Ներկայացուցչութեան Գրասենեակ