By Asbarez | Monday, 21 February 2022
ՈՒԵՍԹՈՒՈՒՏ․- Քալիֆորնիոյ համալսարանի Լոս Անճելըսի մասնաճիւղին մէջ գործող «Խոստումը» Հայկական հիմնարկը կը տեղեկացնէ, թէ հիմնարկի Հայոց Ցեղասպանութեան ուսումնասիրութեան ծրագրի վարիչ նշանակուած է յայտնի ցեղասպանագէտ Թաներ Աքչամը, որ Մեսեչուսեց նահանգի «Քլարք» համալսարանի ցեղասպանագիտութեան բաժանմունքի վարիչն է։
Այլախոհ թուրք պատմաբանը հեղինակած է Հայոց Ցեղասպանութեան մասին շարք մը հատորներ, որոնցմէ մէկն է՝ «Սպանութեան Հրամաններ. Թալաթ Փաշայի Հեռագիրները Եւ Հայոց Ցեղասպանութիւնը»:
«Խոստումը» Հայկական հիմնարկի վարիչ Էն Գարակէօզեան կը վստահեցնէ, թէ Աքչամի յաւելումը զարկ պիտի տայ համալսարանէն ներս Հայոց Ցեղասպանութեան մասին նոր եւ բազմակողմանի ուսումնասիրութիւններու։
«Խոստումը» Հայկական հիմնարկը հաստատուած է հանգուցեալ ազգային բարերար Գըրգ Գըրգորեանի կտակած 20 միլիոն տոլարի նուիրատուութեան միջոցաւ։
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan