ԵՐԵՒԱՆ, «Արմէնփրէս».- Հայաստանցի գործարար մը պատրաստակամութիւն յայտնած է գնելու Յովհաննէս Թումանեանի Թիֆլիսի բնակարանը եւ զայն վերածելու Թումանեանի անուան մշակութային կեդրոնի: Յունուար 26ին Հայաստանի վարչապետ Տիգրան Սարգսեանի, մշակոյթի նախարար Յասմիկ Պօղոսեանի, Հայաստանի գրողներու միութեան նախագահ Լեւոն Անանեանի եւ հայ մեծ բանաստեղծ Յովհաննէս Թումանեանի թոռնուհի Իրմա Սաֆրաստբեկեանի միջեւ կայացած հանդիպումին, վերջինին կողմէ առաջադրուած այս գաղափարը բոլորին համաձայնութեան արժանացած է։
«Քննարկուեցին մի քանի տարբերակներ եւ յանգեցինք Թումանեանի թոռնուհու առաջարկած տարբերակին, որի համաձայն, ամբողջ տարածքը կը գնի հայ գործարարներից մէկը», յայտնեց ՀԳՄ Լեւոն Անանեան, ըստ որուն, տարածքը պիտի վերանորոգուի եւ նուիրուի Թիֆլիսի հայ համայնքին:
Հարցի վերջնական լուծումը պիտի հաստատուի յառաջիկայ օրերուն:
