By Asbarez | Friday, 17 March 2017
ՄԱՐԻԱՄ ՍԻՄՈՆԵԱՆ
<<Մոսկուա-Պաքու>> համացանցային հրատարակչութիւնը կազմած է Ատրպէյճանի մայրաքաղաքին մէջ գտնուող 10 եզակի շինութիւններու ցանկը: Լաւագոյններուն մէջ ընդգրկուած են կառոյցներ, զորս հայ բարերարներու միջոցներով կառուցած են հայ ճարտարապետներ:
<<Հայերն Այսօր>>ը, յղում կատարելով rusarminfo.ru կայքին՝ կը յայտնէ, որ շարքին մէջ ներառուած են Ատրպէյճանի հասարակական հաւաքոյթի ամառնային ակումբը (այժմ Ատրպէյճանի ֆիլհարմոնիա), որ նախագծած է Թիֆլիսի գեղարուեստի ակադեմիոյ փրոֆեսէօր, թիֆլիսահայ Գաբրիէլ Տէր Միքելեան, Օփերայի եւ պալէի պետական թատրոնի շէնքը, որ 20րդ դարասկիզբին նախագծած է հայ ճարտարապետ Նիքոլայ (Նիկողայոս) Գէորգի Պաեւ, Մայիլով բարերար հայ եղբայրներուն պատուէրով:
Ատրպէյճանական աղբիւրը Պաեւի հայկական ծագումը թաքցնելու համար զայն կը ներկայացնէ իբրեւ ճարտարապետ:
Աւելցնենք, որ Նիքոլայ (Նիկողայոս) Գէորգի Պաեւ Երեւանի մէջ նախագծած է դրամատան շէնքը (ներկայիս Կեդրոնական դրամատունը), Գերագոյն դատարանի շէնքը (ներկայիս Հայաստանի Հանրապետութեան դատախազութիւնը), Պիոներ-դպրոցականներու պալատը (ներկայիս Պատանի հանդիսատեսի թատրոն) եւ այլ կառոյցներ ու բնակելի շէնքեր:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian