By Asbarez | Saturday, 01 July 2017
ՊՈԼԻՍ - <<Ժամանակ>> օրաթերթը, կը հաղորդէ, որ Պոլսոյ Հայոց պատրիարքարանը Յունիս 29ին պաշտօնապէս Պոլսոյ նահանգապետարան ներկայացուցած է Եկեղեցական ժողովին կողմէ ընդունուած վերջին որոշումը, որով դադրեցուած կը համարուին Արամ արք. Աթէշեանի լիազօրութիւնները որպէս պատրիարքական ընդհանուր փոխանորդ:
Եկեղեցական ժողովի որոշումը նահանգապետարանին յանձնած է Կրօնական ժողովի ատենապետ Սահակ եպս. Մաշալեան: Ան յայտնած է, որ որոշումը պիտի կցուի նախապէս Պոլսոյ նահանգապետարան ուղղուած դիմումին: Այդպիսով, պատրիարքական ընտրութեան գործընթացին վերաբերեալ պետութեան ներկայացուած թղթածրարը աւելի ամբողջական պիտի դառնայ:
<<Այժմ պէտք է սպասենք, որ նահանգապետարանին կամ պատկան այլ մարմիններու կողմէ նամակ ուղարկուի տեղապահ Գարեգին արք. Պէքճեանին, կամ զայն հրաւիրեն նահանգապետարան՝ հանդիպումի>>, նշած է Մաշալեան:
Յուլիս 4ին, պատրիարքարանին մէջ, Պէքճեանի գլխաւորութեամբ տեղի պիտի ունենայ համայնքային խորհրդակցութիւն, որուն ընթացքին, բացի համայնքային հաստատութիւններու ղեկավարներէն, ներկայ պիտի ըլլան նաեւ Կրօնական ժողովի անդամները: Այդ ժողովին ընթացքին պատրիարքի ընտրութեան կազմակերպման նպատակով, պիտի կազմուի նախաձեռնող խումբ մը, որ պիտի ունենայ 17 անդամ: Անոնցմէ 12ը պիտի առաջարկուին եւ ընտրուին համայնքային մարմիններու ներկայացուցիչներուն կողմէ, իսկ մնացեալ 5 անդամը՝ պատրիարքարանին վերապահուած քոթայէն:
Պոլսոյ Հայոց պատրիարքարանի Եկեղեցական ընդհանուր ժողովը Յունիս 28ին որոշում կայացուցած է դադրեցնելու Արամ արք. Աթէշեանի լիազօրութիւնները որպէս պատրիարքական փոխանորդ:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian