By Asbarez | Friday, 07 July 2017
Համազգային Հայ Կրթական եւ Մշակութային Միութեան ամէնամեայ ուսանողական հաւաքը Հայաստանի եւ Արցախի մէջ Համազգայինի աւանդական ծրագիրներէն է: Անիկա աշխարհի տարբեր երկիրներու մէջ ուսանող հայ համալսարանականները համախմբելու, ազգային արմատներուն ու մշակութային հարուստ ժառանգութեան հաղորդակից դարձնելու կրթական–մշակութային ինքնատիպ ձեռնարկ է:
Համազգայինի ուսանողական հաւաքը՝ ֆորումը, այս տարի տեղի պիտի ունենայ Յուլիս 8էն 21: Մասնակիցները 35 հոգի են՝ Սփիւռքէն, Հայաստանէն եւ Արցախէն:
Ծրագիրի 14 օրերուն ընթացքին համալսարանական երիտասարդները առիթ պիտի ունենան հանդիպելու հայրենի մտաւորականներու, քաղաքական-հասարակական գործիչներու հետ, պիտի լսեն պատմամշակութային նիթերով դասախօսութիւններ, հայաստանցի հասակակիցներու հետ պիտի քննարկեն ժամանակակից հայ երիտասարդները յուզող զանազան հարցեր:
Հաւաքի օրերուն սփիւռքահայ ուսանողները պիտի հիւրընկալուին Երեւանի պետական համալսարանին, Հայաստանի ամերիկեան համալսարանին եւ Մայր Աթոռ Սուրբ Էջմիածինի կողմէ ու պիտի լսեն դասախօսութիւններ <<Ազգային նուագարաններ>>, <<Հայ համայնքներ>>, <<Ո՞վ է հայը>>, <<Հայկական գեղանկարչութիւն>> եւ այլ նիւթերով:
Ֆորումը եռօրեայ ծրագիրով պիտի այցելէ նաեւ Արցախ, պիտի հիւրընկալուի Ազգային ժողովին մէջ եւ պիտի գտնուի Պաշտպանութեան բանակի զօրամասի մը մէջ:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian