By Asbarez | Friday, 15 August 2014
ԼՈՒԶԱՆ ԿԻՒՐԵՂԵԱՆ
Ֆրանսահայ աշխարհահռչակ շանսոնիէ, դեսպան Շարլ Ազնաւուրը «Լը Ֆիկարօ» (Le Figaro) օրաթերթում կոչ է արել Ֆրանսիայի իշխանութիւններին՝ հիւրընկալել եւ ապաստան տալ վտանգի տակ գտնուող Իրաքի ու Սիրիայի ազգային փոքրամասնութիւնների ներկայացուցիչներին եւ օգնել նրանց՝ հաստատուելու ֆրանսիական որոշ լքուած գիւղերում:
Ըստ աշխարհահռչակ շանսոնիէի՝ այդ ծրագիրը չի պահանջում մեծ ծախսեր, քանի որ համեստ գումարներով կարելի է գնել եւ նրանց տրամադրութեան տակ դնել աշխատանքի համար անհրաժեշտ միջոցները, ինչից յետոյ վերաբնակեցուածները իրենց աշխատանքով կը վերակենդանացնեն այդ գիւղերը:
Իբրեւ Շուէյցարիայում Հայաստանի դեսպան՝ Ազնաւուրը դիմել է նման առաջարկութեամբ Շուէյցարիայի իշխանութիւններին, որոնք անմիջապէս արձագանգել են:
Ֆրանսիան պէտք է անի նոյնը, եւ որքան հնարաւոր է արագ, գրել է նա՝ պատրաստակամութիւն յայտնելով անձնապէս օգնելու այդ ծրագրին, որը ունի ոչ քաղաքական բնոյթ:
«Կարեւոր է զբաղուել Արեւելքի քրիստոնեաների, քրդերի, եզդիների եւ միւսների ճակատագրով, չպէտք է մոռանալ մի քրիստոնեայ համայնքի (հայերին), որը թանկ է իմ սրտին», նշել է նա:
Ֆրանսիայի հայկական կազմակերպութիւնների համակարգող խորհուրդը կոչ է արել ֆրանսահայերին՝ նեցուկ լինել Ֆրանսիայի քրդական միութեանը եւ իրենց մասնակցութիւնը բերել այդ միութեան կողմից Օգոստոսի 16ին կազմակերպուելիք եւ Իրաքի քրդերի ու եզդիների կոտորածները դատապարտող ցոյցին:
comments
OPED: 100,000 Indigenous Armenian Refugees Exiled After Azerbaijan Terror
Australia Live By Armenia Media: Tim James & Hugh McDermott
Australia Live By Armenia Media: Ohanes Ohanesian
Armenia Media with Academy for Early Learners West Pymble
Australia Live By Armenia Media: Simon Der Sahagian
Australia Live By Armenia Media: Kaylar Michaelian
Australia Live By Armenia Media: Adele Kradjian & Arminee Karabetian
Australia Live By Armenia Media: Vatche Nadjarian