By Asbarez | Wednesday, 11 April 2018
ԵՐԵՒԱՆ, <<Էրմենիհապեր>> - ՄԱԿի մօտ Սուրիոյ դեսպան Պաշշար Ճաաֆարի Միացեալ Նահանգները, Թուրքիան, Քաթարը, Բրիտանիան եւ Ֆրանսան ամբաստանած է Սուրիոյ իշխանութիւններուն դէմ պայքարող ահաբեկիչներուն քիմիական զէնքեր տրամադրելու յանցանքով։
ՄԱԿի Ապահովութեան խորհուրդին մէջ Ապրիլ 9ին գումարուած եւ Սուրիոյ մէջ օգտագործուած քիմիական զէնքերու հարցին նուիրուած քննարկումին ընթացքին, Ճաաֆարի աւելցուցած է. <<Մենք ուղղակիօրէն կը մեղադրենք Տոհան, Անգարան, Ուաշինկթընը, Փարիզն ու Լոնտոնը, որոնց պատճառով այսօր <<Իսլամական պետութիւն>>, <<Ճէյշ Իսլամ>> (<<Իսլամական բանակ>>), <<Նուսրա Ճակատ>> եւ այլ ահաբեկչական խմբաւորումներուն մօտ քիմիական զէնքեր գոյութիւն ունին>>:
Ան աւելցուցած է, թէ նշեալ երկիրները ուղղակիօրէն հեղինակն են այն արիւնօտ քաղաքականութեան, որուն նպատակը՝ <<Հոլիվուտեան բեմադրութիւններով>> Սուրիոյ ինքնիշխանութեան տապալումն է:
Միւս կողմէ, ՄԱԿի մօտ Ռուսիոյ դեսպան Վասիլի Նեպենզիա ազդարարեց, թէ Սուրիոյ մէջ Միացեալ Նահանգներու կողմէ նախատեսուող ինքնագլուխ նոր յարձակում մը կրնայ <<շատ, շատ վտանգաւոր>> հետեւանքներ ունենալ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
