By Asbarez | Sunday, 23 September 2018
ՊԱՔՈՒ.- Ինչպէս հաղորդած էինք, անցեալ շաբթուան վերջաւորութեան Իսրայէլի պաշտպանութեան նախարար Աւիկտոր Լիպերման Ատրպէյճան այցելած էր՝ երկրի նախագահ Իլհամ Ալիեւի եւ ուժային նախարարութիւններու ղեկավարներուն հետ հանդիպելու:
«Պի.Պի.Սի.» կը գրէ, թէ Ատրպէյճան այդ հազուագիւտ իսլամական երկիրներէն է, որ լաւ յարաբերութիւններ ունի Իսրայէլի հետ եւ երկար տարիներէ ի վեր իսրայէլեան զէնքեր կը գնէ: Փորձագէտներու կարծիքով՝ այս այցելութիւնը եւս կապ ունէր այդպիսի գործակցութեան մը սերտացման հետ:
«Ատրպէյճան չի ծածկեր այն իրողութիւնը, որ իսրայէլեան արտադրութիւնները նախապէս մեծապէս օգտակար եղած են իրեն: Ինչպէս օրինակ, 2016ին, Ատրպէյճան օգտագործած էր իսրայէլեան ժամանակակից անօդաչու թռչող սարքեր, որոնք հայկական կողմը դժուարութիւններու մատնած էին», ըսած է ատրպէյճանցի զինուորական փորձագէտ Ուզէյր Զաֆարով: Անոր համաձայն՝ իրենք զիրենք արդարացուցած են նաեւ «Սփայք» հակահրասայլային հրթիռները:
Փորձագէտին կարծիքով՝ Լիպերմանի այցելութեան ծիրին մէջ նոր որոշումներ որդեգրուած են զէնք-զինամթերքի գծով, սակայն, անոնց մասին կարելի պիտի ըլլայ իմանալ միայն այս տարեվերջին, երբ երկիրը ՄԱԿի մէջ հաշուետուութիւն ներկայացնէ գնուած եւ վաճառուած զինուորական արտադրանքին մասին:
Ատրպէյճանական «Թրենտ» լրատու գործակալութիւնը, իր կարգին կը հաղորդէ, թէ Պաքուի մէջ Լիպերմանի եւ Ատրպէյճանի պաշտպանութեան նախարար Զաքիր Հասանովի հանդիպումէն ետք՝ Լիպերման բարձր գնահատած է երկու ժողովուրդներուն միջեւ պատմական կապերը եւ գոհունակութիւն յայտնած է երկիրներուն միջեւ ներկայ համագործակցութեան մակարդակին մասին, իսկ Հասանով ըսած է, թէ Ատրպէյճան կը փափաքի Իսրայէլէն յաւելեալ զէնքեր գնել, սակայն՝ առանց մանրամասնելու։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ