By Asbarez | Sunday, 30 December 2018
Պաշտօնական Պաքուն 2019ին Երեւանէն կ՛ակնկալէ «Ատրպէյճանի գրաւուած տարածքներէն զօրքերու դուրս բերելը»ը: Այս մասին կը հաղորդէ «Երկիր»ը՝ վկայակոչելով ատրպէյճանական լրատուամիջոցի մը մէջ տեղ գտած Ատրպէյճանի արտաքին գործոց նախարար Էլմար Մամետեարովի յայտարարութիւնը:
Վերջինս ընդգծած է, որ Լեռնային Ղարաբաղի հակամարտութեան կարգաւորման հարցով յառաջընթացը առաջին հերթին կարելիութիւններ պիտի բանայ Հայաստանի տնտեսական աճին:
Մամետեարով ափսոսանքով նշած է, որ երկար տարիներ շարունակուող բանակցութիւնները արդիւնք չեն տուած: «Սակայն Հայաստանիի մէջ կատարուած վերջին իրադարձութիւնները, ինչպէս նաեւ Ատրպէյճանի նախագահին եւ Հայաստանի վարչապետին միջեւ Տուշանպէի եւ Ս. Փեթերսպուրկի մէջ տեղի ունեցած զրոյցները, նաեւ հանդիպումներս իմ հայ գործընկերոջ հետ՝ որոշ լաւատեսութեան հիմք կու տան՝ բանակցային գործընթացի յառաջխաղացման տեսանկիւնէն», նշած է ան:
Մամետեարով խօսած է նաեւ Հայաստանի արտաքին գործոց նախարաի պաշտօնակատարին վերջին հանդիպման իբրեւ արդիւնք ընդունուած համատեղ յայտարարութեան մասին՝ նշելով, որ այնտեղ կը խօսուի բանակցութիւնները շարունակելու մասին: «Այս կը նշանակէ, որ բանակցութիւններուն ձեւաչափը պիտի մնայ անփոփոխ», աւելցուցած է ան:
«Կարեւոր է նաեւ համատեղ յայտարարութեան մէջ արտացոլուած միտքը, որ մօտ ապագային անհրաժեշտ է իրականացնել Ատրպէյճանի եւ Հայաստանի ղեկավարութեան մակարդակով անմիջական՝ արդիւնքին ուղղուած բանակցութիւններ», ըսած է Մամետեարով:
Ըստ անոր՝ այդ մօտեցման կ՛աջակցին ԵԱՀԿի համանախագահները:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ