By Asbarez | Saturday, 09 March 2019
ԵՐԵՒԱՆ, «Սիվիլնեթ».- Ատրպէյճանի արտաքին գործոց նախարարութիւնը յայտարարեց, թէ Արցախի հակամարտութեան կարգաւորման շուրջ բանակցութիւններու ձեւաչափը փոխելու՝ Հայաստանի վարչապետ Նիկոլ Փաշինեանի «փափաքը պէտք է դիտուի՝ իբրեւ ԵԱՀԿ Մինսկի խմբակի, յատկապէս՝ Ռուսիոյ, Միացեալ Նահանգներու եւ Ֆրանսայի համանախագահներու գործունէութեան ոչնչացում»:
Պաքուի այս մեկնաբանութիւնը հրապարակուեցաւ Պրիւքսէլի մէջ Նիկոլ Փաշինեանի կատարած մէկ յայտարարութենէն ետք։ «Մեր դիրքորոշումը չի փոխուել՝ հարցի արդիւնաւէտ կարգաւորման համար նախ եւ առաջ անհրաժեշտ է արդիւնաւէտ ֆորմատ (ձեւաչափ) ստեղծել, որու նպատակը բանակցային գործընթացին Լեռնային Ղարաբաղի մասնակցութիւնն ապահովելն է», ըսած էր ան:
«Բանակցութիւնները կ՛ընթանան այն ձեւաչափով, որ հաստատուած է 1992ին, Հելսինքիի մէջ, ԵԱՀԿի նախարարներու խորհուրդին կողմէ: Առանց ԵԱՀԿի երկիրներու համախոհութեան կարելի չէ փոխել այդ ձեւաչափը: Այդ որոշումին համաձայն՝ հակամարտութեան կողմեր են Հայաստան եւ Ատրպէյճան, իսկ Լեռնային Ղարաբաղի հայկական եւ ատրպէյճանական համայնքները՝ շահագրգիռ կողմեր են», կ՛ըսուի Ատրպէյճանի արտաքին գործոց նախարարութեան մեկնաբանութեան մէջ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ