By Asbarez | Thursday, 13 June 2019
ՊԱՔՈՒ, «Armenia.az».- Չորեքշաբթի, 12 Յունիսին, հիւսիսային Ատրպէյճանի Կապալա քաղաքին մէջ տեղի ունեցաւ Թուրքիոյ, Վրաստանի եւ Ատրպէյճանի պաշտպանութեան նախարարներու հանդիպումը:
Ատրպէյճանի պաշտպանութեան նախարարութեան մամլոյ ծառայութեան համաձայն՝ հանդիպումէն ետք տրուած միացեալ մամլոյ ասուլիսին ընթացքին Ատրպէյճանի պաշտպանութեան նախարար Զաքիր Հասանով յայտարարեց, թէ տարիէ տարի աւելիով կը սերտանայ Թուրքիոյ եւ Ատրպէյճանի միջեւ ռազմական համագործակցութիւնը, որուն զուգահեռ կը բազմանան նաեւ միացեալ ռազմափորձերը։
«Ատրպէյճան եւ Թուրքիա 2018ին իրականացուցին 7 համատեղ զօրավարժութիւններ, իսկ 2019ին անոնց թիւը պիտի հասնի 13ի», աւելցուց Զաքիր Հասանով, Վրաստանը եւս հրաւիրելով մասնակցելու այդ ռազմափորձերուն:
Հասանով նաեւ պնդեց, թէ Ատրպէյճան եւ Վրաստան կ՛աջակցին Թուրքիոյ կողմէ յառաջ տարուող «ահաբեկչութեան դէմ պայքար»ին:
Ըստ նախարարութեան՝ Հասանով Թուրքիոյ եւ Վրաստանի իր պաշտօնակիցներուն՝ Հուլուսի Աքարի եւ Լեւան Իզորիայի հետ քննարկեց եռակողմանի համագործակցութեան զարգացման հեռանկարները, եւ տեղի ունեցաւ շրջանային շարք մը նախագիծերու ապահովութեան երաշխաւորման ու շարք մը այլ հարցերու շուրջ կարծիքներու փոխանակում:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ