By Asbarez | Tuesday, 21 March 2017
ՊՈԼԻՍ, <<Թերթ>> - Կիրակի, 19 Մարտին, Պոլսոյ հայ համայնքին մեծ մասը ցուցականօրէն բացակայած է Արամ արք. Աթէշեանի մատուցած եկեղեցական պատարագէն: Փոխարէնը պոլսահայերու մեծ թիւ մը ներկայ եղած է մէկ օր առաջ Ֆերիքէօյ թաղամասին մէջ գտնուող Սուրբ Վարդանանց եկեղեցւոյ մէջ Գարեգին արք. Պէքճեանի մատուցած պատարագին:
Պոլսոյ Հայոց պատրիարքի տեղապահ ընտրուած Գարեգին սրբազանը երկրորդ պաշտօնական յայտարարութիւն մը տարածած է տեղապահի ընտրութիւններէն ետք համայնքէն ներս յառաջացած ճգնաժամին վերաբերեալ:
Պատրիարքի տեղապահի ընտրութեան իր մրցակից Արամ արք. Աթէշեանին ձայներու 23/11 յարաբերակցութեամբ պարտութեան մատնած Պէքճեան սրբազանը <<Ակօս>> թերթին մէջ հրապարակած է նամակ մը, ուր իր խորին շնորհակալութիւնը կը յայտնէ իր թեկնածութեան օգտին քուէարկած հոգեւորականներուն եւ պոլսահայ համայնքին՝ վստահութեան ու ցուցաբերած աջակցութեան համար:
Ընտրուած տեղապահը իր երախտագիտութիւնը յայտնած է պոլսահայերուն միասնական ու յամառ պայքարին համար եւ յորդորած է անոնց համբերատար ըլլալ: Պէքճեան սրբազան յոյս յայտնած է, որ գոյութիւն ունեցող վարչարարական խնդիրները մօտ ապագային կը գտնեն իրենց լուծումը:
Նշենք, որ սոյն պատարագէն ետք Գարեգին սրբազան մեկնած է Գերմանիա: Ան, սակայն յայտարարած է, որ պատրիարքի ընտրութեան համար ձեռնարկուած աշխատանքները իր կողմէ յառաջ պիտի տարուին եկեղեցական աւանդոյթներու յարգումով: Սրբազանը վստահութիւն յայտնած է, որ այս շրջանին հնարաւոր պիտի ըլլայ պահպանել համայնքի ներդաշնակութիւնն ու համերաշխութիւնը:
Պէքճեան սրբազանը Պոլսոյ <<Ժամանակ>> օրաթերթին յայտնած է, որ շուրջ մէկ շաբաթով պիտի բացակայի Պոլիսէն, որովհետեւ Գերմանիոյ մէջ նախապէս ծրագրուած կարեւոր հանդիպում մը ունի:
comments
Պաքուի Համար Քարոզչութիւն Կատարած Հիմնարկը Նաեւ Շուէտի Կառավարութեան Խորհրդատուութիւն Կատարած Է
Արցախի Հայերը Պէտք Է Ատրպէյճանի Քաղաքացիութիւն Ընդունին․ Մամետեարով
Ուրուկուէյի Ծերակոյտը Չվաւերացուց Թուրքիոյ Դեսպանին Նշանակումը
Չաւուշօղլու Յորդորեց Հայաստանին Աւելի Համարձակ Ըլլալ
Ուաշինկթըն Կաջակցի Թուրքիոյ Էֆ․16ներու Վաճառքին
Ձեր Անօդաչու Թռչող Սարքերը Մեր Զինուորները Կը Սպաննեն. Ռուսիոյ Դեսպանը Թուրքիոյ
ԵԱՀԿի Նախագահը Երեւանին Եւ Պաքուին Կոչ Ուղղեց Բարեխղճօրէն Մասնակցելու Բանակցութիւններուն
Լաւրով Եւ Պայրամով Քննարկեցին Եռակողմ Յայտարարութիւններու Գործադրութիւնը
Անթալիոյ Մէջ Հայաստանի, Թուրքիոյ Եւ Ատրպէյճանի Արտաքին Գործոց Նախարարներու Հանդիպո՞ւմ
Մոսկուա-Պաքու Հռչակագիրը Չի Հակասեր Ռուսիա-Հայաստան Կապերուն