By Aztag Daily | Thursday, 20 April 2017
Թուրքիոյ արտաքին գործոց նախարար Մեւլութ Չաւուշօղլու նոր մեղադրանքներ հնչեցուցած է ԵԱՀԿ-ի Ժողովրդավարական հաստատութիւններու եւ մարդու իրաւունքներու գրասենեակի եւ Եւրոպական խորհուրդի Խորհրդարանական վեհաժողովի (ԵԽԽՎ) հասցէին` վերջիններուս կողմէ Թուրքիոյ սահմանադրական փոփոխութիւններու հանրաքուէին վերաբերեալ հրապարակուած քննադատական զեկուցումին առնչութեամբ: Ինչպէս <<Արմէնփրես>> կը նշէ, այս մասին կը հաղորդէ <<Անատոլու>> լրատու գործակալութիւնը:
Չաւուշօղլու յայտարարած է, որ ԵԱՀԿ-ի Ժողովրդավարական հաստատութիւններու եւ մարդու իրաւունքներու գրասենեակի եւ ԵԽԽՎ-ի կողմէ եկած դիտորդական առաքելութեան շարք մը անդամներ մասնակցած են Թուրքիոյ դէմ կազմակերպուած հաւաքներուն եւ հանրաքուէէն առաջ <<Ոչ>>-ի արշաւ կատարած: <<Այս անգամ եկած պատուիրակութիւնը լաւ մտադրութիւններով չէ եկած. կանխակալ եկած է եւ թեքնիք հարցերէն այն կողմ քաղաքական հարցերու մէջ մտած, մինչդեռ անոնց գործը քաղաքական մեկնաբանութիւնները ընելը չէ>>, նշած է Չաւուշօղլու:
Թուրքիոյ արտաքին գործոց նախարարը մեղադրած է առաքելութեան անդամները ահաբեկչութեան աջակցելու ամբաստանութեամբ` յիշեցնելով, որ անոնց զեկուցումը պարտադիր բնոյթ չունի:
Ան յայտնած է նաեւ, որ մուտքի արտօնագիրի ազատականացման մասին իրենց վերջին առաջարկը պիտի ներկայացնեն Եւրոպական Միութեան: <<Արդէն թող որոշում տան: Կա՛մ այո, կա՛մ ոչ: Եթէ <<Ոչ>> ըսեն, միւս համաձայնագիրները, ներառեալ գաղթականներու հարցով համաձայնագիրը, չեղեալ պիտի նկատուի>>, ըսած է Չաւուշօղլու` յայտարարելով, որ Եւրոպական Միութիւնը Թուրքիան շանթաժի ենթարկելով ոչ մէկ տեղ կրնայ հասնիլ:
comments
Պաքուի Համար Քարոզչութիւն Կատարած Հիմնարկը Նաեւ Շուէտի Կառավարութեան Խորհրդատուութիւն Կատարած Է
Արցախի Հայերը Պէտք Է Ատրպէյճանի Քաղաքացիութիւն Ընդունին․ Մամետեարով
Ուրուկուէյի Ծերակոյտը Չվաւերացուց Թուրքիոյ Դեսպանին Նշանակումը
Չաւուշօղլու Յորդորեց Հայաստանին Աւելի Համարձակ Ըլլալ
Ուաշինկթըն Կաջակցի Թուրքիոյ Էֆ․16ներու Վաճառքին
Ձեր Անօդաչու Թռչող Սարքերը Մեր Զինուորները Կը Սպաննեն. Ռուսիոյ Դեսպանը Թուրքիոյ
ԵԱՀԿի Նախագահը Երեւանին Եւ Պաքուին Կոչ Ուղղեց Բարեխղճօրէն Մասնակցելու Բանակցութիւններուն
Լաւրով Եւ Պայրամով Քննարկեցին Եռակողմ Յայտարարութիւններու Գործադրութիւնը
Անթալիոյ Մէջ Հայաստանի, Թուրքիոյ Եւ Ատրպէյճանի Արտաքին Գործոց Նախարարներու Հանդիպո՞ւմ
Մոսկուա-Պաքու Հռչակագիրը Չի Հակասեր Ռուսիա-Հայաստան Կապերուն