By Asbarez | Thursday, 10 August 2017
Վարչապետ Կարէն Կարապետեան ընդունած է Բրիտանիոյ Լորտերու տան անդամ պարոնուհի Քարոլայն Քոքսի գլխաւորած պատուիրակութիւնը: Վարչապետը բարձր գնահատած է Քարոլայն Քոքսի հայանպաստ եւ մարդասիրական գործունէութիւնը, ինչպէս նաեւ միջազգային ասպարէզին մէջ ղարաբաղեան տագնապի արդարացի ներկայացման ուղղուած քայլերը: Վարչապետ Կարէն Կարապետեան նշած է, որ յատկապէս վերջին շրջանին հայ-բրիտանական յարաբերութիւններուն մէջ նկատելի է աշխուժացում եւ կարեւոր նկատած է տնտեսական մարզին մէջ փոխադարձ գործակցութեան զարգացումը, գործարար կապերու խթանումը, ներառեալ` տարբեր համաժողովներու կազմակերպումը:
Վարչապետ Կարապետեան ընդգծած է, որ երկկողմանի տնտեսական յարաբերութիւններու զարգացման հարցը առարկայական ձեւով քննարկած է նաեւ Հայաստանի մէջ Բրիտանիոյ դեսպանին հետ եւ աւելցուցած, որ կան յստակ պատկերացումներ հետագայ քայլերուն ուղղութեամբ:
Պարոնուհի Քոքս վարչապետին հետ խօսած է Հայաստան եւ Արցախ կատարած իր բազմաթիւ այցելութիւններուն մասին եւ նշած, որ ջերմօրէն կապուած է հայ ժողովուրդին հետ: Պարոնուհին եւս անհրաժեշտ գտած է հայ-բրիտանական տնտեսական համագործակցութեան զարգացումը` կարեւոր նկատելով միջխորհրդարանական յարաբերութիւններու խորացումը, բարձրաստիճան փոխադարձ այցելութիւններու կազմակերպումը:
Քոքս պատրաստակամութիւն յայտնած է հետագային եւս իր գործունէութեամբ աջակցելու հայ ժողովուրդին եւ նպաստելու հայ-բրիտանական կապերու սերտացման:
comments
Պաքուի Համար Քարոզչութիւն Կատարած Հիմնարկը Նաեւ Շուէտի Կառավարութեան Խորհրդատուութիւն Կատարած Է
Արցախի Հայերը Պէտք Է Ատրպէյճանի Քաղաքացիութիւն Ընդունին․ Մամետեարով
Ուրուկուէյի Ծերակոյտը Չվաւերացուց Թուրքիոյ Դեսպանին Նշանակումը
Չաւուշօղլու Յորդորեց Հայաստանին Աւելի Համարձակ Ըլլալ
Ուաշինկթըն Կաջակցի Թուրքիոյ Էֆ․16ներու Վաճառքին
Ձեր Անօդաչու Թռչող Սարքերը Մեր Զինուորները Կը Սպաննեն. Ռուսիոյ Դեսպանը Թուրքիոյ
ԵԱՀԿի Նախագահը Երեւանին Եւ Պաքուին Կոչ Ուղղեց Բարեխղճօրէն Մասնակցելու Բանակցութիւններուն
Լաւրով Եւ Պայրամով Քննարկեցին Եռակողմ Յայտարարութիւններու Գործադրութիւնը
Անթալիոյ Մէջ Հայաստանի, Թուրքիոյ Եւ Ատրպէյճանի Արտաքին Գործոց Նախարարներու Հանդիպո՞ւմ
Մոսկուա-Պաքու Հռչակագիրը Չի Հակասեր Ռուսիա-Հայաստան Կապերուն