By Kantsasar | Monday, 16 April 2018
Սուրիական Բանակի Հրամանատարութիւնը հանդէս եկաւ յայտարարութեամբ մը՝ յայտնելով, որ. << Շաբաթ, 14 Ապրիլ 2018-ի արշալոյսին, ժամը 3:55-ին, ԱՄՆ-Ֆրանսա եւ Բրիտանիա եռակողմ յարձակում մը գործեցին Սուրիոյ դէմ՝ մօտաւորապէս 110 հրթիռ արձակելով Դամասկոսի եւ Հոմսի սուրիական կեդրոններուն ուղղութեամբ>>։
Հրամանատարութիւնը աւելցուց.<< Սուրիական հակաօդային պաշտպանութեան համակարգերը, դէմ դնելով յարձակումին, վար առին հրթիռներուն մեծամասնութիւնը>>, մինչ կարգ մը հրթիռներ յաջողեցան քանդել Պէրզէի գիտահետազօտական կեդրոնի կառոյցներէն մէկը, որ կ՚ընդգրկէր ուսումնական բաժին մը եւ շարք մը տարրալուծարաններ։ Արձանագրուեցան նիւթական վնասներ։
<<Մեր պաշտպանութեան համակարգերը Հոմսի զինուորական պահեստանոցը թիրախ դարձուցած հրթիռները իրենց ուղղութենէն շեղել տուին։ Այդ հրթիռները իրենց թիրախին չհասան։ Անոնցմէ մէկուն պայթումին հետեւանքով 3 քաղաքայիններ վիրաւորուեցան>>։
Հրամանատարութիւնը եզրափակելով ըսաւ.
<<Այս յարձակումը մեզ աւելի վճռական պիտի դարձնէ՝ շարունակելու մեր առաքելութիւնը, դէմ դնելու ահաբեկչական բոլոր թափանցումներուն եւ պահպանելու Սուրիոյ գերիշխանութիւնն ու արժանապատուութիւնը, ինչպէս նաեւ մեր հայրենիքին եւ քաղաքացիներուն ապահովութիւնը>>։
comments
Պաքուի Համար Քարոզչութիւն Կատարած Հիմնարկը Նաեւ Շուէտի Կառավարութեան Խորհրդատուութիւն Կատարած Է
Արցախի Հայերը Պէտք Է Ատրպէյճանի Քաղաքացիութիւն Ընդունին․ Մամետեարով
Ուրուկուէյի Ծերակոյտը Չվաւերացուց Թուրքիոյ Դեսպանին Նշանակումը
Չաւուշօղլու Յորդորեց Հայաստանին Աւելի Համարձակ Ըլլալ
Ուաշինկթըն Կաջակցի Թուրքիոյ Էֆ․16ներու Վաճառքին
Ձեր Անօդաչու Թռչող Սարքերը Մեր Զինուորները Կը Սպաննեն. Ռուսիոյ Դեսպանը Թուրքիոյ
ԵԱՀԿի Նախագահը Երեւանին Եւ Պաքուին Կոչ Ուղղեց Բարեխղճօրէն Մասնակցելու Բանակցութիւններուն
Լաւրով Եւ Պայրամով Քննարկեցին Եռակողմ Յայտարարութիւններու Գործադրութիւնը
Անթալիոյ Մէջ Հայաստանի, Թուրքիոյ Եւ Ատրպէյճանի Արտաքին Գործոց Նախարարներու Հանդիպո՞ւմ
Մոսկուա-Պաքու Հռչակագիրը Չի Հակասեր Ռուսիա-Հայաստան Կապերուն