By Asbarez | Saturday, 19 May 2018
ԵՐԵՒԱՆ, <<Արմէնփրէս>> - Վարչապետ Նիկոլ Փաշինեան Ուրբաթ, 18 Մայիսին ընդունեց Ասիական զարգացման դրամատան տարածաշրջանային տնօրէն Շէյն Ռոզընթալը:
Հանդիպման ընթացքին վարչապետը իր գնահատանքը յայտնեց Ասիական զարգացման դրամատան Հայաստանի ենթակառուցուածքներու եւ պետական կառավարման համակարգի զարգացման գործին ներգրաւուածութեան համար:
<<Յոյս ունենք, որ մեր յետագայ համագործակցութեան ընթացքում կը կարողանանք համատեղ ջանքերով բարձրացնել նաեւ հանրային վստահութեան մակարդակը վարկերի ծախսման արդիւնաւէտութեան վերաբերեալ: Գիտեմ, որ Ասիական զարգացման բանկը թափանցիկ գործելակերպի կողմնակից է, հետեւաբար, սա նշանակում է, որ մեր յետագայ համագործակցութեան համար խոչընդոտներ չկան>>, յայտնեց կառավարութեան ղեկավարը՝ կարեւոր նկատելով իրականացուող ծրագիրներու արդիւնաւէտութեան բարձրացումը:
Փաշինեան շեշտեց, որ կառավարութիւնը հաւատարիմ պիտի մնայ այն միջազգային պարտաւորութիւններուն, զորս ստանձնած է Հայաստանի Հանրապետութիւնը: Վարչապետը յոյս յայտնեց, որ երկրին մէջ տեղի ունեցող ժողովրդավարական գործընթացները կ՛ոգեւորեն նաեւ միջազգային գործընկերները՝ աջակցութիւն ցուցաբերելու ժողովրդավարութեան ամրապնդման, կաշառակերութեան դէմ պայքարին եւ այլ հիմնահարցերու լուծման աշխատանքին:
Շէյն Ռոզընթալ նշեց, որ Ասիական զարգացման դրամատունը պիտի շարունակէ օժանդակել Հայաստանի զարգացման: Դրամատան տարածաշրջանային տնօրէնը վարչապետին ներկայացուց Հայաստանի կառավարութեան հետ համագործակցութեամբ իրականացող ծրագիրներու ընթացքը՝ ենթակառուցուածքներու զարգացման, կառավարման համակարգի բարելաւման, առողջապահութեան, կրթութեան եւ այլ ոլորտներու մէջ:
Զրուցակիցները անդրադարձան նաեւ հիւսիս-հարաւ մայրուղիի կառուցման ընթացքին, մենաշնորհներու դէմ պայքարին, կառավարութեան առաջնահերթութիւններուն եւ այլ հարցերու:
comments
Պաքուի Համար Քարոզչութիւն Կատարած Հիմնարկը Նաեւ Շուէտի Կառավարութեան Խորհրդատուութիւն Կատարած Է
Արցախի Հայերը Պէտք Է Ատրպէյճանի Քաղաքացիութիւն Ընդունին․ Մամետեարով
Ուրուկուէյի Ծերակոյտը Չվաւերացուց Թուրքիոյ Դեսպանին Նշանակումը
Չաւուշօղլու Յորդորեց Հայաստանին Աւելի Համարձակ Ըլլալ
Ուաշինկթըն Կաջակցի Թուրքիոյ Էֆ․16ներու Վաճառքին
Ձեր Անօդաչու Թռչող Սարքերը Մեր Զինուորները Կը Սպաննեն. Ռուսիոյ Դեսպանը Թուրքիոյ
ԵԱՀԿի Նախագահը Երեւանին Եւ Պաքուին Կոչ Ուղղեց Բարեխղճօրէն Մասնակցելու Բանակցութիւններուն
Լաւրով Եւ Պայրամով Քննարկեցին Եռակողմ Յայտարարութիւններու Գործադրութիւնը
Անթալիոյ Մէջ Հայաստանի, Թուրքիոյ Եւ Ատրպէյճանի Արտաքին Գործոց Նախարարներու Հանդիպո՞ւմ
Մոսկուա-Պաքու Հռչակագիրը Չի Հակասեր Ռուսիա-Հայաստան Կապերուն