Հայաստան Պարտուեցաւ Ռումանիայէն Եւ Նահանջեց Չորրորդ Դիրք

By Asbarez | Thursday, 21 October 2021

Աշխարհի ֆութպոլի ախոյանութեան զտումի մրցաշարքի ծիրին մէջ, Հայաստանի ֆութպոլի ազգային հաւաքականը, որ մաս կը կազմէ Եւրոպայի Ժ. խմբակին, Երկուշաբթի գիշեր կատարեց 8րդ հանգրուանի իր մրցումը, երբ հիւրը եղաւ Ռումանիոյ:

Զտումի մրցումներուն սկիզբը բաւական տպաւորիչ արդիւնքներ արձանագրած Հայաստանի կազմը դարձեալ չյաջողեցաւ լաւ արդիւնքի հասնիլ, երբ կրեց այլ պարտութիւն մը` 1-0 արդիւնքով:

Մրցումին միակ կօլը նշանակեց Ալեքսանտրու Միթրիթա` 26րդ վայրկեանին:

Իր կրած այս պարտութենէն ետք, Հայաստան դիրք մը եւս նահանջելով` այժմ կօլերու տարբերութեամբ կը գտնուի չորրորդ դիրքին վրայ (12 կէտով):

Պարագլուխի դիրքին վրայ գտնուող Գերմանիա, որ 4-0 արդիւնքով յաղթեց Մակեդոնիոյ եւ ունի 21 կէտ:

Ռումանիա բարձրացաւ երկրորդ դիրք (13 կէտ), մինչ երրորդ դիրքին վրայ կը գտնուի Մակեդոնիա` 12 կէտով:

comments