By Asbarez | Friday, 11 December 2020
ԹՈՒՐՔԻԱ ԿՐՆԱՅ ԲԱՆԱԼ ՀԱՅԱՍՏԱՆԻ ՀԵՏ ՍԱՀՄԱՆԸ. ԷՐՏՈՂԱՆ
ՊԱՔՈՒ, «Անատոլու», «Ազատութիւն».- Թուրքիոյ նախագահ Ռեչեփ Թայիփ Էրտողան Չորեքշաբթի օրուան երկրորդ կիսուն մեկնեցաւ Պաքու՝ Ատրպէյճանի նախագահ Իլհամ Ալիեւի հրաւէրին ընդառաջելով: Պաքուի մէջ ան դիմաւորուեցաւ Ալիեւի կողմէ, իսկ Հինգշաբթի օր Էրտողան Պաքուի մէջ մասնակցեցաւ Ատրպէյճանի բանակի յաղթանակի տողանցքին, որ նուիրուած էր Արցախի պատերազմին ընթացքին արձանագրուած յաջողութեան:
Ըստ պաշտօնական աղբիւրներու հաղորդումներուն՝ Էրտողան-Ալիեւ հանդիպման ընթացքին քննարկուեցաւ Արցախի յետ-պատերազմեան կացութիւնը:
Էրտողան յայտնեց, որ Թուրքիա եղած է ու կը մնայ Ատրպէյճանի կողքին: Ըստ անոր՝ Թուրքիա կը խոստանայ նաեւ աջակցիլ Ատրպէյճանի վերահսկողութեան տակ անցած տարածքներու վերակառուցման եւ զարգացման:
Իր կարգին, Ալիեւ յայտնեց, որ այս ուղղութեամբ իր երկիրը արդէն իսկ շարք մը պայմանագիրներ կնքած է թրքական ընկերութիւններու հետ:
Իսկ տողանցքին ընթացքին, Ալիեւ, թուարկելէ ետք Արցախի մէջ բռնագրաւուած տարածքները, անդրադարձաւ նաեւ Հայաստանի տարածքին՝ պնդելով, թէ Զանգեզուրը, Երեւանը, Սեւանը նույնպէս ատրպէյճանական պատմական հողեր են…
Իր կարգին, Էրտողան յայտնեց, թէ եթէ տարածաշրջանային խաղաղութեան ուղղուած դրական քայլեր ձեռնարկուին, Թուրքիա կրնայ բանալ Հայաստանի սահմանը՝ աւեցնելով. «Եթէ հայ ժողովուրդը դասեր քաղէ ղարաբաղեան պատերազմէն՝ տարածաշրջանին մէջ նոր դարաշրջան պիտի բացուի»:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ