By Asbarez | Friday, 26 February 2021
ԵՐԵՒԱՆ, «Ազատութիւն».– Ատրպէյճան նոր համաձայնագիրներ ստորագրած է Թուրքիոյ հետ` սպառազինութիւն ձեռք բերելու համար, 26 Փետրուարին յայտարարեց Իլհամ Ալիեւ՝ աւելցնելով. «Այս քայլը աւելիով պիտի հզօրացնէ մեր բանակը»:
Ան մանրամասնութիւններ չտուաւ գնուելիք զինատեսակներուն մասին, այլ պարզապէս բարձր գնահատեց թրքական արտադրութեամբ զէնքերը, որոնք Պաքուն գործածած էր Արցախի 44օրեայ պատերազմին ընթացքին:
«Հայաստան երբեք այսքան ողբալի վիճակի մէջ չէ եղած, որքան այսօր, եւ ատոր պատճառը անցնող քսան տարիներուն ընթացքին անոր իրերայաջորդ ղեկավարներն են», ըսաւ Ալիեւ:
Հայաստան «Ատրպէյճանի հետ իր պատերազմէն ետք մեծ տագնապներ կը դիմագրաւէ», նշեց ան՝ պնդելով, որ «հայկական բանակ այլեւս չկայ եւ պէտք չէ ըլլայ, որպէսզի մեզի համար սպառնալիք չստեղծուի կամ ազատագրուած տարածքները վերադարձող մեր քաղաքացիները չվտանգուին»:
«Հայաստան ամէն օր ներքին տագնապներ եւ ժողովրդավարական սկզբունքներու ոտնահարում կը դիմագրաւէ», նշեց Ալիեւ` շեշտելով. «Հայկական ընդդիմութիւնը ամէն օր մեծ ճնշումներու կ՛ենթարկուի, սակայն կարգ մը երկիրներ եւ կազմակերպութիւններ, որոնք ժողովրդավար ըլլալ կը յաւակնին, կ՛անտեսեն այս ճնշումները»:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ