By Asbarez | Wednesday, 06 October 2021
ՆԻՒ ԵՈՐՔ, «Նիւ Եորք Թայմզ».- Նոպէլեան յանձնախումբը 4 Հոկտեմբերին հաղորդեց, թէ այս տարուան բժշկութեան բնագաւառի մրցանակին տիրացած երկու գիտնականներէն մէկը հայազգի կենսաբան Արտէմ Փաթափութեանն է, որ մրցանակը պիտի կիսէ ամերիկացի Տէյվիտ Ճուլիըսին հետ:
Գիտնականները Նոպէլեան մրցանակին արժանցան մարմնի ջերմաստիճանի, հպումի հակազդող բջիջներու յայտնագործութեան համար, որ պիտի նպաստէ կարգ մը հիւանդութիւններու բուժման եղանակներ գտնելու եւ հիւանդներու երկարատեւ ցաւերու մեղմացումին:
Մանրէաբան-կենսաբան Արտէմ Փաթափութեան ծնած է 1967ին, Պէյրութ եւ 1986էն ի վեր կ՛ապրի Միացեալ Նահանգներ: 1990ին, Քալիֆորնիոյի համալսարին Լոս Անճելըսի մասնաճիւղէն ստացած է բջիջներու զարգացման մասնագէտ կենսաբան կոչումը, իսկ 1996ին` Քալիֆորնիոյ արհեստագիտութեան հիմնարկէն (California Institute of Technology) ստացած է դոկտորի կոչումը: Ան անդամ է Ամերիկայի գիտութիւններու ազգային ակադեմիոյ եւ ներկայիս կ՛աշխատի Լա Հոյա գտնուող «Սքրիփց» հիմնարկին մէջ:
Դոկտ. Արտէմ Փաթափութեան կրտսեր որդին է Սարգիս եւ Հայկուհի Վահագններուն, եւ եղբայրը` համակարգիչներու մասնագէտ ու առաւել քան երեսուն գիւտերու հեղինակ դոկտ. Արա Փաթափութեանի:
Ան այս լուրը ստացած է 94ամեայ իր հօրմէ, որովհետեւ Նոպէլեան յանձնախումբը զինք չգտնելով՝ դիմած են անոր:
comments
Փայլան Պատրաստ Է Նպաստելու Հայաստան-Թուրքիա Յարաբերութիւնները Կարգաւորելու Ջանքերուն
Հոլանտայի Խորհրդարանը Ատրպէյճանի Սադրանքներուն Մասին Բանաձեւեր Որդեգրեց
Վերակազմուեցաւ Եւրոպայի Խորհրդարանին Մէջ Հայաստանի Հետ Բարեկամութեան Խումբը
Բրիտանիոյ Համայնքներու Պալատ Ընդունեց Հայոց Ցեղասպանութեան Օրինագիծը
Իսրայէլի Խորհրդարանին Ներկայացուեցաւ Հայոց Ցեղասպանութիւնը Ճանաչելու Բանաձեւը
Հայ Գերիներու Հարցը Եւ Պաքուի Պատերազմական Ոճիրները Հետապնդել Պահանջող Յաւելուածները Հաստատուեցան
Ատրպէյճան-Թուրքիա Ռազմափորձեր Քաշաթաղի Մէջ
Փայլան Փոքրամասնութիւններու Հաստատութիւններու Ընտրութիւններուն Մասին Յստակացում Պահանջեց