By Asbarez | Wednesday, 01 December 2021
ԵՐԵՒԱՆ, «Արմէնփրէս».- Հոլանտայի խորհրդարանը Հայաստանի եւ Ատրպէյճանի միջեւ տագնապին եւ հայ գերիներուն վերաբերեալ երկու բանաձեւեր որդեգրեց:
Բանաձեւերէն մէկուն մէջ խորհրդարանը կառավարութեան կոչ կ՛ուղղէ՝ Եւրոպական Միութեան հետ աշխատելու Հայաստանի եւ Ատրպէյճանի միջեւ տագնապի փաստերուն վերաբերեալ անկախ հետաքննութիւն կատարելու նպատակով եւ կարճ ժամանակահատուածի մէջ արդիւնքներուն մասին զեկուցելու խորհրդարանին:
Երկրորդ բանաձեւին մէջ կը յիշատակուին Ատրպէյճանի մէջ մարդկային իրաւունքներու, ազատ խօսքի, մամուլի ազատութեան հարցերը, որոնք հետզհետէ աւելի կը խորանան:
Բանաձեւը կ՛անդրադառնայ նաեւ Ատրպէյճանի մէջ մինչեւ օրս պահուող հայ պատերազմական գերիներուն:
Նկատի ունենալով 15 Դեկտեմբերին տեղի ունենալիք Արեւելեան գործընկերութեան վեհաժողովին Եւրոպական Միութեան արժէքներէն հեռու եղող Ատրպէյճանի մասնակցութիւնը՝ խորհրդարանը կառավարութեան կոչ կ՛ուղղէ՝ Արեւելեան գործընկերութեան ծիրին մէջ Եւրոպական Միութիւն-Ատրպէյճան բանակցութիւններուն ընթացքին հետեւութիւններ ընելու վերոնշեալ իրավիճակներէն:
ՀՅԴ Արեւմտեան Եւրոպայի Կեդրոնական կոմիտէի անդամ Նուպար Վարդանեան յայտնեց, որ Հոլանտայի Հայ Դատի յանձնախումբը 16 Նոյեմբերին՝ Հայաստանի վրայ Ատրպէյճանի յարձակումին օրը, նամակ մը յղած է խորհրդարանի բոլոր անդամներուն՝ տեղեկացնելու համար դէպքին մասին եւ պահանջելու, որ խորհրդարանը դատապարտէ Ատրպէյճանի ոտնձգութիւնները եւ պատիժներ կիրարկէ Պաքուի դէմ՝ մարդկային իրաւունքները խախտելուն համար:
comments
Փայլան Պատրաստ Է Նպաստելու Հայաստան-Թուրքիա Յարաբերութիւնները Կարգաւորելու Ջանքերուն
Վերակազմուեցաւ Եւրոպայի Խորհրդարանին Մէջ Հայաստանի Հետ Բարեկամութեան Խումբը
Բրիտանիոյ Համայնքներու Պալատ Ընդունեց Հայոց Ցեղասպանութեան Օրինագիծը
Իսրայէլի Խորհրդարանին Ներկայացուեցաւ Հայոց Ցեղասպանութիւնը Ճանաչելու Բանաձեւը
Կենսաբան Արտէմ Փաթափութեան Տիրացաւ Նոպէլեան Մրցանակի
Հայ Գերիներու Հարցը Եւ Պաքուի Պատերազմական Ոճիրները Հետապնդել Պահանջող Յաւելուածները Հաստատուեցան
Ատրպէյճան-Թուրքիա Ռազմափորձեր Քաշաթաղի Մէջ
Փայլան Փոքրամասնութիւններու Հաստատութիւններու Ընտրութիւններուն Մասին Յստակացում Պահանջեց